नाशिकच्या पाथर्डी फाटा परिसरात ATS ने मोठी कारवाई केली आहे. बेकायदेशीरपणे भारतात घुसखोरी केल्याप्रकरणी ही कारवाई केली असून अवैधमार्गाने भाडेतत्वावर पाथर्डी गावात राहत असल्याकारणाने तीन संशयितांवर कारवाई करण्यात आली आहे. ताब्यात घेतलेले तीनही संशयित बांगलादेशी असल्याची सूत्रांनी माहिती दिली आहे. नाशिकच्या पाथर्डी फाटा परिसरात ATS कडून सर्च ऑपरेशन राबवण्यात आलं होतं, यात अब्दुल हसुने माणिक (२८), मुस्समत शापला खातून (२६), इति खानम मोहंमद शेख (२७, सर्व रा. काजी मंजील, पाथर्डी गाव) यांच्यासह त्यांना वास्तव्यासाठी सर्वोतोपरी मदत देणारा संशयित गोरक्षनाथ विष्णू जाधव (३२) यांना अटक करण्यात आली आहे. याप्रकरणी इंदिरानगर पोलीस ठाण्यात गुन्हा दाखल करण्यात आला असून पुढील तपास सुरु आहे.