दहावीच्या विद्यार्थ्यांसाठी अत्यंत महत्त्वाची बातमी आहे. दहावीचा निकाल आज लागणार आहे. आज दुपारी १ वाजता विद्यार्थ्यांना वेबसाइटवर निकाल पाहता येणार आहे. ११ वाजता बोर्ड पत्रकार परिषद घेऊन निकाल जाहीर करतील. त्यानंतर विद्यार्थ्यांना त्यांची मार्कशीट पाहता येणार आहे.

२०२४-२५ मध्ये तब्बल १६ लाख विद्यार्थी दहावीच्या परीक्षेला बसले होते. गेल्या अनेक दिवसांपासून ते १०वीच्या निकालाची वाट बघत होते. दरम्यान, आज हा निकाल जाहीर होणार आहे. त्यामुळे विद्यार्थ्यांच्या मनात धाकधूक निर्माण झाली आहे. आयुष्यात पुढे काय करायचे याचे विचार मनात येत आहेत. दहावीचा निकाल लागल्यानंतर लगेचच अकरावीची प्रवेश प्रक्रिया सुरु होणार आहे. त्यामुळे विद्यार्थ्यांना आपले आवडते कॉलेज निवडण्याचा पर्याय मिळेल.