आगामी वुमन्स प्रीमियर लीग २०२४ स्पर्धेसाठी शनिवारी (९ डिसेंबर) खेळाडूंचा लिलाव पार पडला. या लिलावात मुंबई इंडियन्स संघाने गोलंदाज आणि अष्टपैलू खेळाडूंना आपल्या संघात स्थान देण्यावर अधिक भर दिला आहे. या लिलावात मुंबई इंडियन्सने दोन गोलंदाज आणि तीन अष्टपैलू खेळाडूंना आपल्या संघात स्थान दिलं आहे.
मुंबई इंडियन्स फ्रेंचायजी २.१ कोटी रुपये घेऊन लिलावात उतरली होती. रक्कम कमी असतानाही मुंबईने दक्षिण आफ्रिकेची वेगवान गोलंदाज शबनीम इस्माईलवर १.२ कोटींची बोली लावली. शबनीम इस्माईलने २००७ मध्ये दक्षिण आफ्रिका संघासाठी पदार्पण केलं होतं. त्यामुळे तिला दक्षिण आफ्रिका संघासाठी खेळण्याचा १६ वर्षांचा अनुभव आहे. आंतरराष्ट्रीय क्रिकेटमध्ये तिने ३०० गडी बाद केले आहेत.
शबनीम इस्माईलवर मोठी बोली लावल्यानंतर मुंबईने चार भारतीय खेळाडूंवर बोली लावली. त्यांनी संजना एसला १५ लाख, अमनदीप कौर, फातिमा जाफर आणि कीर्थाना बालाकृष्णनवर प्रत्येकी १०-१० लाखांची बोली लावत आपल्या ताफ्यात स्थान दिलं. अशाप्रकारे मुंबईने १.६५ कोटींची बोली लावत पाच खेळाडूंना आपल्या ताफ्यात स्थान दिलं.
१३ खेळाडूंना केलं होतं रिटेन..
मुंबई इंडियन्सने आगामी हंगामासाठी १३ खेळाडूंना रिटेन केलं होतं. या यादीत कर्णधार हरमनप्रीत कौरसह, हेली मॅथ्यूज,अमेलिया केर सारख्या स्टार खेळाडूंचा समावेश होता. या १३ खेळाडूंसाठी मुंबई इंडियन्सने १३.५ कोटीपैकी ११.४ कोटी रुपये खर्च केले होते. तर उर्वरित ५ खेळाडू खरेदी करण्यासाठी मुंबईकडे २.१ कोटी इतकी रक्कम शिल्लक होती. (Latest sports updates)
आगामी स्पर्धेसाठी असा आहे मुंबई इंडियन्सचा संघ:
अमनजोत कौर, अमेलिया केर, क्लो ट्रायॉन, हरमनप्रीत कौर, हेली मॅथ्यूज, हुमेरा काजी, इसाबेल वोंग, जिंतिमनी कलिता, नताली सिव्हर, पूजा वस्त्राकर, प्रियंका बाला, सेका इशाक, यास्तिका भाटिया, शबनीम इस्माइल, संजना एस, अमनदीप कौर, फातिमा जाफर, कीर्थाना बालाकृष्णन.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.