वर्ल्डकप २०२३ स्पर्धेला जोरदार प्रारंभ होणार आहे. या स्पर्धेतील पहिला सामना इंग्लंड आणि न्यूझीलंड या दोन्ही संघांमध्ये अहमदाबादच्या नरेंद्र मोदी स्टेडियमवर सुरू आहे.
या सामन्यात नाणेफेक गमावून प्रथम फलंदाजी करताना इंग्लंड संघाने २८२ धावा केल्या आहेत. तर न्यूझीलंड संघाला हा सामना जिंकण्यासाठी २८३ धावांची गरज आहे.
या सामन्यात न्यूझीलंड संघाने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करण्यासाठी आलेल्या इंग्लंड संघाला हवी तशी सुरूवात करता आली नव्हती. जॉनी बेअरस्टो ३३ तर डेविड मलान अवघ्या १४ धावा करत माघारी परतला.
तिसऱ्या क्रमांकावर फलंदाजी करण्यासाठी आलेल्या जो रुटने संघाची धावसंख्या पुढे नेत ७७ धावा चोपल्या. तर जोस बटलरने ४३ धावांचं योगदान दिलं. (Latest sports updates)
इंग्लंडचा फलंदाजी क्रम पाहून असं वाटलं होतं की, इंग्लंडचा संघ या डावात मोठी धावसंख्या उभारणार,मात्र इंग्लंडला २८२ धावांवर समाधान मानावं लागलं आहे.न्यूझीलंडकडून गोलंदाजी करताना मॅट हेनरीने ४८ धावा खर्च करत सर्वाधिक ३ गडी बाद केले. तर ग्लेन फिलिप्सने १७ धावा खर्च करत २ आणि मिचेल सँटनरने ३७ धावा खर्च करत २ गडी बाद केले.
या सामन्यासाठी अशी आहे दोन्ही संघांची प्लेइंग ११:
इंग्लंड: जॉनी बेअरस्टो, डेविड मलान, जो रूट, हॅरी ब्रूक, जोस बटलर (यष्टीरक्षक,कर्णधार), लियाम लिव्हिंगस्टन, मोईन अली, सॅम करन, ख्रिस वोक्स, आदिल रशीद, मार्क वुड
न्यूझीलंड: डेव्हॉन कॉनवे, विल यंग, रचिन रवींद्र, डॅरिल मिशेल, टॉम लॅथम (यष्टीरक्षक,कर्णधार), ग्लेन फिलिप्स, मार्क चॅपमन, मिचेल सँटनर, जेम्स नीशम, मॅट हेन्री, ट्रेंट बोल्ट
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.