वर्ल्डकप २०२३ स्पर्धेत आज डबल हेडर सामन्यांचा थरार रंगणार आहे. पहिला सामना अफगाणिस्तान आणि बांगलादेश या दोन्ही संघांमध्ये सुरू आहे. धर्मशाळाच्या मैदानावर सुरू असलेल्या या सामन्यात प्रथम फलंदाजी करत असलेल्या अफगाणिस्तान संघाचा डाव अवघ्या १५६ धावांवर संपुष्टात आला आहे. बांगलादेश संघाला हा सामना जिंकण्यासाठी १५७ धावांची गरज आहे.
या सामन्याबद्दल बोलायचं झालं तर बांगलादेश संघाने नाणेफेक जिंकून प्रथम गोलंदाजी करण्याचा निर्णय घेतला. प्रथम फलंदाजी करण्यासाठी आलेल्या अफगाणिस्तान संघाचा डाव अवघ्या १५६ धावांवर संपुष्टात आला आहे.
अफगाणिस्तान संघाकडून डावाची सुरूवात करण्यासाठी आलेल्या रहमनुल्लाह गुरबाज ४७ धावांची खेळी करत दमदार सुरूवात करून दिली होती. तर इब्राहिम जदरानने २२ धावांचं योगदान दिलं.
या दोघांमध्ये ४७ धावांची भागीदारी झाली.मात्र त्यानंतर कुठलाही फलंदाज खेळपट्टीवर टिकून धावा करू शकला नाही. अजमतुल्ला उमरझाईने २२ धावा केल्या. तर रहमत शाहने १८ आणि हसमतुल्लाह शाहिदीने १८ धावांची खेळी केली. (Latest sports updates)
बांगलादेशच्या गोलंदाजीबद्दल बोलायचं झालं तर, बांगलादेशकडून शाकिब अल हसनने ८ षटकात ३० धावा खर्च करत ३ गडी बाद केले. तर मेहदी हसनने ९ षटकात २५ धावा खर्च करत ३ फलंदाजांना माघारी धाडलं. तसेच शोरीफुल इसलामने २, तस्किन अहमदने १ आणि मुस्तफिजुर रहमानने १ गडी बाद केला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.