MS Dhoni Viral Video :

टीम इंडियाचा माजी कर्णधार महेंद्रसिंह धोनीने आंतरराष्ट्रीय क्रिकेटमधून निवृत्ती घेतली असली तरी त्याची फॅन फॉलोईंग काही कमी होताना दिसत नाही. धोनी आणि त्याच्या चाहत्यांचं भावनिक नातं आहे. याची एक झलक नुकतीच दिसली. चाहत्यांना जेव्हा धोनीला भेटण्याची संधी मिळते तेव्हा तो क्षणअविस्मरणीय बनवण्याचा त्यांचा प्रयत्न असतो.

अशाच एका महिला फॅनची माहीला भेटण्याची इच्छा नुकतीच पूर्ण झाली. मात्र त्यावेळी ऑटोग्राफ, फोटोग्राफ, सेल्फी असं काही दिसलं नाही. तर महिला फॅनने पहिलं धोनीच्या पायाला स्पर्श करून आशीर्वाद घेतला. यावर धोनीची रिअॅक्शन जी सोशल मीडियावर व्हायरल झाली आहे. (Latest sports updates)

सोशल मीडियावर वेगाने व्हायरल होत असलेल्या व्हिडीओमध्ये एमएस धोनी खुर्चीवर बसलेला दिसत आहे. धोनी कुणाशी तरी बोलत असल्याचे दिसत आहे. दरम्यान, एक महिला फॅन त्याला भेटण्यासाठी तिथे पोहोचते आणि पुढे जाऊन धोनीच्या पायाला स्पर्श करते.

फॅनने पायाला स्पर्श केल्यामुळे धोनीलाही थोडं आश्चर्य वाटलं. मात्र लगेचच धोनीने हात पुढे करत हस्तांदोलन केलं. माहीसोबत हस्तांदोलन केल्यानंतर एकत्र फोटो घेताना महिला फॅन दिसत आहे. धोनीबद्दल असलेला आदरच त्याच्या चाहत्यांना खास बनवतो. हा व्हिडीओ सोशल मीडियावर मोठ्या प्रमाणात व्हायरल होताना दिसत आहे.