Brisbane International, Rafael Nadal Won First Match:

२०२४ची सुरुवात परदेशी खेळाडूंसाठी शुभ ठरत आहे. २२ वेळा ग्रँडस्लॅम चॅम्पियन असलेला राफेल नदालने या २०२४ विजयी सुरुवात केलीय. नदालने जागतिक क्रमवारीत तिसर्‍या क्रमांक राहिलेला टेनिसपटू डॉमिनिक थिएमचा पराभव केला. नदालाने थिएमचा ७-५, ६-१ असा पराभव, करत या वर्षीचा पहिला विजय नोंदवला.(Latest News)

ऑस्ट्रेलियन ओपन टेनिसच्या दुसऱ्या फेरीतून बाहेर पडल्यानंतर नदालने एकही सामना खेळलेला नाही. हा सामना मागील वर्षी जानेवारीमध्ये खेळण्यात आला होता. ३७ वर्षीय नदालने पहिल्या सेटमध्ये केवळ ६ चुका केल्या आणि केवळ तीन गुण गमावले. नदालने हा सामना ८९ मिनिटांत जिंकला.('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

हिपच्या दुखापतीमुळे प्रदीर्घ विश्रांती घेतल्यानंतर नदालने टेनिस कोर्टच्या मैदानात उतरला होता. दरम्यान नदालची येथे वाइल्ड कार्डने प्रवेश झालाय. अन्य लढतींमध्ये जर्मनीच्या यानिका हॅनफमनने पाचव्या रॅकिंगवर असलेल्या सेबॅस्टियन कोर्डाचा ७-५, ६-४ असा पराभव केला. महिला गटात २०२० ऑस्ट्रेलियन ओपन विजेत्या सोफिया केनिनने ११३ व्या क्रमांकाची रॅकिंग असलेल्या अरिना रोडियोनोव्हाचा ७-५, ७-६ असा पराभव केला.

यूएस ओपन चॅम्पियन कोको गॉने ही या वर्षाची सुरुवात विजयाने केलीय. कोको गॉने ऑकलंड टेनिस क्लासिकमध्ये क्लेअरी लिऊचा सरळ सेटमध्ये पराभव केला. गतविजेत्या गॉने चांगला खेळ करत लिऊचा ६-४, ६-२ असा पराभव करून दुसऱ्या फेरीत प्रवेश केला. गॉने गेल्या वर्षी यूएस ओपनच्या अंतिम फेरीत विजय मिळवत तिचा पहिला ग्रँडस्लॅम जिंकला होता. तिचा सामना आर्यना सबालेंकाशी होता यात तिने २-६, ६-३, ६-२ असा पराभव केला होता.