आशिया चषक 2023 च्या सुपर 4 चा शेवटचा सामना भारत आणि बांगलादेश यांच्यात खेळला जात आहे. आजच्या सामन्यात भारतीय संघात 5 बदल करण्यात आले. अनेक महत्त्वाच्या खेळाडूंना विश्रांती देण्यात आली आहे. विराट कोहलीला देखील आजच्या सामन्यात विश्रांती देण्यात आली आहे.
विराट कोहलीच्या जागी तिलक वर्माने आजच्या सामन्यातून आंतरराष्ट्रीय एकदिवसीय सामन्यात पदार्पण केलं आहे. सामन्यात टीम इंडिया प्रथम फिल्डिंगला उतरली. मात्र आजच्या प्लेईंग 11 मध्ये नसतानाही किंग कोहलीने मैदान गाजवलं. विराटचा एक भन्नाट व्हिडीओ सोशल मीडियावर प्रचंड वेगाने व्हायरल होत आहे.
विराट आज वॉटर बॉय म्हणून मैदानात उतरला होता. मात्र विराटची मैदानात एन्ट्रीच भाव खाऊन गेली. खेळाडूंना ब्रेकमध्ये विराट ड्रिंक्स घेऊन येताना दिसला. याआधीही तो हे करताना दिसला होता, पण आज विराट मैदानात ज्या प्रकारे धावत आला ते पाहून प्रत्येकाच्या चेहऱ्यावर हसू उमटलं. (Latest sports updates)
सोशल मीडियावर व्हायरल झालेल्या व्हिडिओमध्ये विराट कोहली मस्ती करत मैदानात येताना दिसत आहे. विराट कोहली ब्रेकच्या वेळी खेळाडूंसाठी ड्रिंक्स घेऊन जात आहे. यावेळी विराट कोहली खूप उत्साही आणि मस्तीच्या मूडमध्ये दिसत आहे. विचित्र पद्धतीने उड्या मारत विराट मैदानात आला. विराटला पाहून मैदानातील खेळाडूंनाही हसू आवरलं नाही.
भारतीय संघ आशिया चषकाच्या अंतिम फेरीत पोहोचला आहे. टीम इंडिया अंतिम सामन्यात श्रीलंकेविरुद्ध भिडणार आहे. 17 सप्टेंबर रोजी कोलंबोमध्ये हा सामना होणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.