IPL 2025 : विराट कोहलीची फॅन फॉलोइंग प्रचंड मोठी आहे. भारतासह जगभरात त्याचे चाहते आहे. आयपीएलच्या इतिहासात विराटने तुफान कामगिरी केली आहे. यंदाच्या सीझनमध्येही तो चांगला खेळ करेल असा चाहत्यांना आशा आहे. विराट आणि आरसीबीचीची सोशल मीडियावर मोठी क्रेझ पाहायला मिळते.

दरम्यान विराटच्या एका फॅनचा व्हिडीओ सोशल मीडियावर व्हायरल होत आहे. या चाहत्याने त्याच्या मित्रांसह बांबूच्या मदतीने बांधलेल्या एका गगनचुंबी इमारतीवर उभे राहून विराटला मानवंदना दिली आहे. या चाहत्याने विराटची १८ नंबरची जर्सी घातली आहे. त्याने आणि त्याच्या मित्रांनी हातात आरसीबीचा झेंडा घेत 'इ साल कप नम दे'चा नारा दिला आहे.

सोशल मीडियावर हा व्हिडीओ खूप व्हायरल होत आहे. या व्हिडीओमधील युवकाचे नाव मनोहर मरप्पा असे आहे. या व्हिडीओखाली विराटच्या इतर चाहत्यांनी कमेंट्स केल्या आहेत. या व्हिडीओवरुन विराट कोहलीची क्रेझ किती आहे याचा अंदाज येतो. या व्हिडीओला २.५ मिलियन व्ह्यूज मिळाले आहेत.

आयपीएल २०२५ च्या नव्या सीझनला आज सुरुवात होणार आहे. पहिला सामना रॉयल चॅलेंजर्स बंगळुरू आणि कोलकाता नाईट रायडर्स यांच्यात होणार आहे. हा सामना गतविजेते कोलकाता जिंकणार की बंगळुरू पहिला सामना जिंकत विजयी सुरुवात करणार याकडे सर्वांचे लक्ष लागले आहे.