IND vs WI 1st Test: भारत विरुद्ध वेस्टइंडीज या दोन्ही संघांमध्ये २ कसोटी सामन्यांच्या मालिकेला प्रारंभ झाला आहे. मालिकेतील पहिला कसोटी सामना डॉमिनिकाच्या मैदानावर सुरु आहे. सामन्याच्या दुसऱ्या दिवसाच्या समाप्तीपर्यंत भारतीय संघ मजबूत स्थितीत आहे.

यशस्वी जयस्वाल नाबाद १४३ तर विराट कोहली नाबाद ३६ धावांवर फलंदाजी करतोय. भारतीय संघाने आतापर्यंत २ गडी बाद ३१२ धावा केल्या असून १८२ धावांची आघाडी घेतली आहे. दरम्यान दुसऱ्या दिवसाच्या समाप्तीनंतर विराट कोहलीचा एक व्हिडिओ सध्या सोशल मीडियावर जोरदार व्हायरल होऊ लागला आहे.

विराटचा व्हिडिओ सोशल मीडियावर व्हायरल...

विराट कोहली हा नेहमीच आपल्या आक्रमक सेलिब्रेशनमुळे ओळखला जातो. मात्र वेस्टइंडीजविरुद्ध सुरु असलेल्या पहिल्या कसोटी सामन्यादरम्यान पहिला चौकार मारताच विराट कोहली डान्स करताना दिसून आला आहे. आता चौकार मारल्यानंतर डान्स करण्याचं कारण काय? असा प्रश्न तुम्हालाही पडला असेल. तर यामागचं कारण असं की, विराट कोहलीने ८० चेंडूंचा सामना केल्यानंतर ८१ व्या चेंडूवर पहिला चौकार मारला. हा चौकार मारताच विराट कोहली डान्स करताना दिसून आला आहे. हा व्हिडिओ सध्या सोशल मीडियावर जोरदार व्हायरल होत आहे. (Latest sports updates)

भारतीय संघाचा दबदबा कायम..

डॉमिनिका कसोटीच्या दुसऱ्या दिवशी देखील भारतीय संघाचा दबदबा पाहायला मिळाला आहे. भारतीय संघाकडून यशस्वी जयस्वाल आणि रोहित शर्माने चांगली सुरुवात करून दिली होती. दोघांनी २५६ धावांची विक्रमी भागीदारी केली. (Virat Kohli Celebration)

यासह दोघांनी आपलं शतक पूर्ण केलं. रोहितने आपल्या कसोटी कारकिर्दीतील १० वे शतक झळकावले. तर यशस्वीने पदार्पणाच्या सामन्यात शतक पूर्ण केलं आहे. भारतीय संघाने आतापर्यंत २ गडी बाद ३१२ धावा करत १६२ धावांची आघाडी घेतली आहे.