Viral Kabaddi Video: सोशल मीडियावर अनेक व्हिडिओ व्हायरल होत असतात. काही व्हिडिओ खदखदून हसवणारे असतात, तर काही व्हिडिओ पाहून आपला प्रेरणा मिळत असते.

असाच एक व्हिडिओ सध्या सोशल मीडियावर जोरदार व्हायरल होत आहे.

कबड्डी हा मैदानी खेळ आहे. यात चपळतेसह ताकदीचीही तितकीच गरज असते. मात्र हा व्हायरल होत असलेला व्हिडिओ पाहून तुमचा अंदाज चुकीचा ठरू शकतो. (Latest sports updates)

कारण या व्हिडिओमध्ये सरपातळ खेळाडूंनी चक्क वजनदार खेळाडूची पकड केल्याचे पाहायला मिळाले आहे.

या व्हायरल होत असलेल्या व्हिडिओमध्ये तुम्ही पाहू शकता की, कबड्डीचा सामना सुरु असतो. चढाईपटू चढाई करण्यासाठी सज्ज होतो. तुम्ही पाहू शकता की, बचाव करणारे खेळाडू सरपातळ आहेत.

तर चढाई करणारा ३ नंबरची जर्सी घातलेला खेळाडू भरभक्कम आहे. तरीदेखील या खेळाडूंनी भरभक्कम खेळाडूची यशस्वी पकड केली आहे. हा व्हिडीओ सध्या जोरदार व्हायरल आहे.

या व्हिडिओला आतापर्यंत हजारो लोकांनी पाहिलं आहे. तसेच त्या खेळाडूंचं कौतुक देखील केलं जात आहे. या खेळाडूंनी दाखवून दिलं आहे की, कबड्डी हा जितका ताकदीचा खेळ आहे तितकाच बुद्धीचाही खेळ आहे.