Satara News : महाराष्ट्र राज्य बॅडमिंटन असोसिएशनच्या मान्यतेने सातारा जिल्हा बॅडमिंटन असोसिएशनतर्फे येत्या २० ते २३ नोव्हेंबर या कालावधीत छत्रपती शिवाजीराजे भोसले स्मृती प्रित्यर्थ दुसरी योनेक्स महाराष्ट्र राज्य बॅडमिंटन निवड स्पर्धा (u - 19 state level badminton championship 2022) आयोजिल्याची माहिती सातारा जिल्हा बॅडमिंटन असोसिएशनच्या सदस्या वृषालीराजे भोसले (vrushaliraje bhosale) यांनी दिली. ही स्पर्धा १९ वर्षांखालील गटात असून स्पर्धेत महाराष्ट्रातील ३५० हून अधिक खेळाडू सहभागी होणार असल्याचे भाेसले यांनी नमूद केले. (satara latest sports news)

वृषालीराजे म्हणाल्या दुसरी योनेक्स (yonex) महाराष्ट्र राज्य बॅडमिंटन निवड स्पर्धा सातारा जिल्हा बॅडमिंटन असोसिएशनचे दिवंगत अध्यक्ष आणि राज्य बॅडमिंटन संघटनेचे उपाध्यक्ष छत्रपती शिवाजीराजे भोसले यांनी आयोजित करण्याचा निर्णय ऑगस्ट २०२२ मध्ये घेतला होता. परंतु दुर्दैवाने त्यांचे अल्पशा आजाराने निधन झाले. (Breaking Marathi News)

त्यानंतर आम्ही सर्वांनी छत्रपती शिवाजीराजे भोसले यांच्या स्मृतीला आदरांजली वाहण्यासाठी ही स्पर्धा आयोजिण्याचा निर्णय घेतला. उत्कृष्ट बॅडमिंटन खेळाडू, महाराष्ट्र बॅडमिंटन (badminton) संघटनेचे उपाध्यक्ष म्हणून काम पाहिल्याने त्यांना हीच योग्य आदरांजली ठरेल असेही वृषालीराजेंनी नमूद केले. त्या म्हणाल्या नवोदित खेळाडूंना प्रोत्साहन देण्यासाठी या स्पर्धेचे छत्रपती शाहू जिल्हा क्रीडा संकूलात आयाेजन केले आहे. साताऱ्यात (satara) अशी स्पर्धा व्हावी, यासाठी त्यांनी निर्धार घेतला होता. छत्रपती शिवाजीराजे भोसले यांचे स्वप्न होते ते पूर्ण करण्याचा आमचा मानस आहे.

या स्पर्धेच्या निमित्ताने सातारकर क्रीडाप्रेमींना महाराष्ट्रातील (maharashtra) गुणवंत खेळाडूंचा खेळ पाहण्याची संधी लाभणार आहे. तसेच नवोदित खेळाडूंना प्रोत्साहनही मिळणार आहे असेही वृषालीराजेंनी नमूद केले. यावेळी ज्येष्ठ क्रीडा संघटक सुरेश साधले, सुधाकर शानभाग, मनोज कान्हेरे आदी उपस्थित हाेेते. (Maharashtra News)

Edited By : Siddharth Latkar