टोकियो: पी.व्ही.सिंधूने पदकाच्या दिशेने आणखी एक पाऊल टाकले आहे. तिने रँकिंगमध्ये तिच्या पेक्षा वरती असलेल्या यामागुचीचा पराभव केला आहे. PV Sindhu ने आपला पहिला सेट 21-13 ने तर दुसरा सेट 22-20 ने जिंकला. सिंधूने आता सेमिफायनलमध्ये धडक मारली आहे. सिंधू आता पदकापासून एक पाऊल दूर आहे. cरिओ ऑलिम्पिकची रौप्यपदक विजेती आणि जागतिक विजेती पीव्ही सिंधूने नावाला साजेशी खेळी केली आहे. याआधी गुरुवारी ऑलिम्पिकमध्ये महिला एकेरी बॅडमिंटन स्पर्धेच्या पूर्व उपांत्यपूर्व सामन्यात तिने डेन्मार्कच्या

मिया ब्लिचफेल्डला सरळ गेममध्ये पराभूत करून शेवटच्या आठमध्ये प्रवेश केला होता. मुसाहिनो फॉरेस्ट स्पोर्ट्स प्लाझा येथे झालेल्या सामन्यात सिंधूने मियाचा २१-15, २१-13 असा पराभव केला होता. सहा सामन्यांत सिंधूचा हा पाचवा विजय होता. यावर्षी थायलंड ओपनमध्ये सिंधूला मियाविरुद्धच्या एकमेव पराभवाला सामोरे जावे लागले आहे.

सिंधूने हा सामना जिंकत भारतीयांच्या आणि चाहत्यांच्या आशा पल्लवित केल्या आहेत. या पुर्वा लोव्हनिनाने सेमिफायनलमध्ये प्रवेश केला आहे. मिराबाई चानूने पदक जिंकत भारतासाठी खाते उघडले होते. आता येत्या काळात ऑलिम्पिकमध्ये भारत कशा पद्धतिने कामगिरी करतो याकडे सर्वांचे लक्ष लागून आहे.

Edited By: Pravin Dhamale