बुलढाणा : क्रिकेट खेळामध्ये भारत विद्यालयाच्या खेळाडूने राज्यासह देशात आपला अप्रतिम खेळ दाखवून यश मिळवले, आणि या खेळाडूंना योग्य प्रशिक्षण देऊन तयार करणाऱ्या संजय देवल या प्रशिक्षकाचा आज वाढदिवस असल्याने भारत विद्यालयामध्ये त्यांची क्रिकेट साहित्याने तुला करून सन्मान करण्यात आला.

हे देखील पहा -

बुलडाणा शहरातील भारत विद्यालयातील क्रिकेटचे प्रशिक्षक संजय देवल यांनी अथक परिश्रमातून अनेक खेळाडू घडवले. यामध्ये 508 विद्यार्थी राज्य स्तरावरील क्रिकेट स्पर्धेत सहभागी झाले होते. त्यापैकी 50 राष्ट्रीय खेळाडू आहेत, तर भारत विद्यालयाचे 32 संघ हे तर राज्यस्तरावर खेळलेले आहेत. ज्यामध्ये 3 खेळाडू हे रणजी देखील खेळले आहेत आणि एक खेळाडू हा आयपीएलमध्ये देखील क्रिकेट खेळलेला आहे.

त्यामुळे जिल्ह्यासह राज्याला उत्कृष्ट खेळाडू निर्माण करणाऱ्या प्रशिक्षकाचा आज त्यांच्या वाढदिवशी क्रिकेट साहित्याने तुला करून त्यांचा सन्मान करण्यात आला. मुलांना यापुढे देखील मोबाईल आणि टीव्ही पासून दूर ठेवत प्रत्यक्ष मैदानी खेळावर भर देऊन त्यांच्या मनात खेळांविषयी उत्सुकता निर्माण करण्यासाठी प्रयत्न करणार असल्याचे यावेळी प्रशिक्षक संजय देवल यांनी सांगितले आहे.

Edited By - Akshay Baisane