एकीकडे भारत विरूद्ध न्यूझीलंड तर दुसरीकडे पाकिस्तान विरूद्ध इंग्लंड यांच्यामध्ये ३ सामन्यांची टेस्ट सिरीज खेळवली जातेय. शुक्रवारी पाकिस्तानने या सिरीजमधील पहिल्या टेस्ट सामन्याचा वचपा काढत इंग्लंडचा पराभव केला. पाकिस्तानच्या या विजयामुळे वर्ल्ड टेस्ट चॅम्पियनशिपच्या पॉईंट्स टेबलचं गणित बिघडलं आहे. याशिवाय न्यूझीलंड विरूद्धच्या सामन्यात भारताचा पराभव झाल्यास टीम इंडियाचं कसं नुकसान होणार आहे, याची देखील माहिती घेऊया.
पाकिस्तानातील मुलतानमध्ये खेळल्या गेलेल्या सामन्यात पाकिस्तानने दीर्घकाळानंतर आपल्या घरात विजय मिळवला. यावेळी पाकिस्तानच्या टीमने १३३८ दिवसांनंतर मायदेशात टेस्ट फॉर्मेटमध्ये विजय मिळवला. पाकिस्तानने इंग्लंडच्या टीमचा १५२ रन्सने पराभव केला. या विजयासोबत पाकिस्तानने वर्ल्ड टेस्ट चॅम्पियनशिपच्या पॉईंट्स टेबलमध्ये मोठी झेप घेतली आहे.
३ सामन्यांच्या या सिरीजमध्ये पाकिस्तानने आता १-१ अशी बरोबरी साधली आहे. विजयापूर्वी वर्ल्ड टेस्ट चॅम्पियनशिपच्या पॉईंट्स टेबलमध्ये टीम ९ व्या स्थानावर होती, मात्र आता पाकिस्तान ८ व्या क्रमांकावर आहे. आतापर्यंत पाकिस्तान पीसीटी 16.670 होता, जो आता 25.92 पर्यंत वाढलाय.
WTC 2025 चा अंतिम सामना इंग्लंडमध्ये होणार असून या पराभवामुळे इंग्लंडला अंतिम फेरी गाठणं काहीसं कठीण दिसतंय. पाकिस्तानविरुद्धच्या पराभवानंतर इंग्लंडचं १२ पॉईंट्सचं नुकसान झालंय. वर्ल्ड टेस्ट चॅम्पियनशिपच्या पॉइंट टेबलमध्ये इंग्लंडची टीम २८ गुणांसह सहाव्या स्थानावर आहे.
वर्ल्ड टेस्ट चॅम्पियनशिपच्या पॉइंट टेबलमध्ये सध्या टीम इंडिया ९८ पॉईंट्ससह पहिल्या स्थानावर आहे. तर ऑस्ट्रेलियाची टीम दुसऱ्या स्थानावर आहे. सध्या टीम इंडिया बंगळुरूमध्ये न्यूझीलंडविरुद्ध पहिला टेस्ट सामना खेळत असून भारत पराभवाच्या छायेत आहे. अशामध्ये जर टीम इंडियाचा पराभव झाला तर पॉईंट्स टेबलमध्ये मोठं नुकसान होण्याची शक्यता आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.