भारतीय संघ आयसीसी टी -२० वर्ल्डकप २०२४ स्पर्धा जिंकून मायदेशी परतला आहे. मायदेशात भारतीय संघाचं जल्लोषात स्वातग झालं. गुरुवारी सकाळी ६ वाजता भारतीय खेळाडू दिल्ली विमानतळावर पोहोचले. त्यावेळी खेळाडूंना पाहण्यासाठी क्रिकेट फॅन्सने एकच गर्दी केली होती. विमानतळाच्या बाहेर येताच खेळाडूंनी क्रिकेट फॅन्ससह भन्नाट डान्स केला. त्यानंतर या खेळाडूंनी पंतप्रधान नरेंद्र मोदींच्या निवासस्थानी त्यांची भेट घेतली. दरम्यान या भेटीचा व्हिडिओ आता समोर आला आहे.

नरेंद्र मोदींनी वर्ल्डकप विजेत्या खेळाडूंना आपल्या निवासस्थानी बोलावलं होतं. त्यानंतर मोदींच्या हस्ते खेळाडूंचा सन्मान करण्यात आला. या भेटीचे फोटो सोशल मीडियावर व्हायरल झाले होते. दरम्यान आता एक व्हिडिओ व्हायरल होतोय ज्यात नरेंद्र मोदींनी भारतीय खेळांडूसोबत काय संवाद साधला हे दाखवण्यात आलं आहे.

कर्णधार रोहित शर्मा म्हणाला की, ' आम्ही या क्षणाची आतुरतेने वाट पाहत होतो. आम्ही अनेकदा विजय मिळवण्याच्या अगदी जवळ पोहोचलो होतो. मात्र विजय मिळवू शकलो नव्हतो' तर विराट कोहली म्हणाला की,' विराट कोहली म्हणाला की, 'आम्हा सर्वांना इथे बोलावण्यासाठी खूप खूप धन्यवाद. ही दिवस मी कधीच विसरु शकणार नाही. मला या स्पर्धेत हवं तसं योगदान देता आलं नाही.' तसेच रिषभ पंतबद्दल बोलताना नरेंद्र मोदी म्हणाले की,' तुम्ही सर्वांसाठी एक प्रेरणा आहात. तुम्ही एक युद्ध जिंकलं आहे आणि चढउतार हा आयुष्याचा भाग आहे.