भारतीय संघ (Team India) जगातील एक ताकदवर क्रिक्रेट संघ म्हणून ओळखला जातो. सध्या भारतीय संघ एकाच वेळी वेगवेगळ्या दौऱ्यावर आहे, एक भारतीय संघ इंग्लंडच्या (India Tour of England) दौऱ्यावर असून एक संघ श्रीलंके (India Tour Of Sri lanka) सोबत मालिका खेळत आहे. आता पर्यंत क्रिकेटच्या इतिहासात पहिल्यांदाच भारतीय संघाचे 22 खेळाडू मैदानावर खेळताना दिसणार आहेत. इंग्लंडच्या विरुद्ध कर्णधार पद विराट कोहली (Virat Kohli) सांभाळेल तर श्रीलंकेविरुद्ध शिखर धवन (Shikhar Dhawan) सांभाळेल.

भारतीय क्रिक्रट संघाच्या चाहत्यांसाठी आज क्रिक्रेटची खास मेजवानी असणार आहे. आज चाहत्यांना दोन वेगवेगळे सामने पाहायला मिळणार आहेत. श्रीलंकेविरुद्ध खेळल्या जाणाऱ्या मालिकेचा आज दुसरा सामना दुपारी तीन वाजता सुरु होणार आहे. दुसरीकडे इंग्लंडमध्ये असलेला भारतीय संघ सरावासाठी कांउन्टी संघासोबत सामना खेळणार आहे. श्रीलंकेविरुद्ध भारतीस संघ दुसरा सामना जिंकून मालिका आपल्या नावावर करेल, तर दुसरीकडे कांउन्टी सामना खेळून भारताचा कसोटी संघ आपली तयारी मजबूत करेल.

एकाच दिवशी दोन सामने खेळताना दिसणार भारतीय संघ

श्रीलंकेविरुद्ध कोलंबो येथे भारतीय संघ दुसरा सामना खेळणार आहे. दुपारी तीन वाजता क्रिक्रट चाहत्यांना हा सामना पाहता येईल. दुसरा भारतीय संघ इंग्लंडविरुद्ध डरहॅममध्ये कांउन्टी सलेक्ट संघासोबत सामना खेळणार आहे. हा सामना भारतीय वेळेनुसार 4.30 वाजचा सुरु होणार आहे. हा तीन दिवसीय सामना 22 जुलै रोजी संपणार आहे. श्रीलंकेतील भारतीय संघाने पहिला सामना 7 विकेटने जिंकला होता. ईशान किशन या सामन्यात त्याच्या करियरच्या पहिल्याच चेंडूवर षटकार ठोकला होता आणि शानदार अर्धशतक ठोकले होते.

Edited By: Pravin Dhamale