भारत आणि दक्षिण आफ्रिका यांच्यातील कसोटी मालिकेनंतर एकदिवसीय क्रिकेट सामने खेळले जाणार आहेत. या मालिकेसाठी आता टीम इंडियाची घोषणा करण्यात आलीय. या सामन्यांच्या मालिकेसाठी संघाची घोषणा करण्यात आलीय. गुवाहाटी येथे झालेल्या दुसऱ्या कसोटी सामन्याच्या दुसऱ्या दिवशी निवड समितीची बैठक झाली. या बैठकीत एकदिवसीय मालिकेसाठी केएल राहुलची कर्णधार म्हणून नियुक्ती करण्यात आली.

शुबमन गिल आणि श्रेयस अय्यर यांच्याऐवजी राहुलला ही जबाबदारी देण्यात आलीय. संघाचा कर्णधार गिल कोलकाता कसोटीत जखमी झाला होता, तर उपकर्णधार अय्यर ऑस्ट्रेलिया दौऱ्यावरील एकदिवसीय मालिकेदरम्यान जखमी झाला होता आणि तेव्हापासून तो संघाबाहेर आहे.

भारत आणि दक्षिण आफ्रिकेच्या संघात तीन सामन्यांची मालिका रविवार, ३० नोव्हेंबरपासून रांची येथे सुरू होतेय. यावेळी संघाचे नेतृत्त्व राहुल करणार आहे. यष्टीरक्षक-फलंदाज राहुल दोन वर्षांच्या अंतरानंतर पुन्हा एकदा या फॉरमॅटमध्ये संघाचे नेतृत्व करणार आहे. , त्याने २०२३ मध्ये दक्षिण आफ्रिकेविरुद्धच्या एकदिवसीय मालिकेत टीम इंडियाचे नेतृत्व केले होतं.

ODI सीरीजसाठी भारतीय संघाची घोषणा

केएल राहुल (कर्णधार), रोहित शर्मा, यशस्वी जैयस्वाल, विराट कोहली, तिलक वर्मा, ऋषभ पंत, वॉशिंगटन सुंदर, रवींद्र जडेजा, कुलदीप यादव, नीतीश कुमार रेड्डी, हर्षित राणा, ऋतुराज गायकवाड, प्रसिद्ध कृष्णा, ध्रुव जुरेल आणि अर्शदीप सिंह.