भारतीय संघाविरुद्ध सुरू असलेल्या कसोटी मालिकेत स्टीव्ह स्मिथला सुर गवसला आहे. मालिकेतील तिसऱ्या सामन्यात शतक झळकावल्यानंतर आता चौथ्या कसोटीतही त्याने दमदार शतकी खेळी केली आहे.

स्मिथने या डावात एकतर्फी फलंदाजी करत आपल्या कसोटी कारकीर्दीतील ३४ वे शतक झळकावले आहे. या दमदार खेळीच्या बळावर त्याने ऑस्ट्रेलियाला मजबूत स्थितीत पोहोचवलं आहे. दरम्यान त्याच्या नावे एका मोठ्या रेकॉर्डची नोंद झाली आहे.

ब्रायन लाराच्या रेकॉर्डची केली बरोबरी

स्टीव्ह स्मिथची बॅट चांगलीच तळपली आहे. या सामन्यात शतकी खेळी करत त्याने ब्रायन लारा आणि सुनील गावसकरांच्या रेकॉर्डची बरोबरी केली आहे. हे स्टीव्ह स्मिथच्या कसोटी कारकिर्दीतील ३४ वे शतक ठरले आहे.

यासह त्याने कसोटी क्रिकेटमध्ये सर्वाधिक शतकं झळकावण्याच्या बाबतीत वेस्टइंडिजचे दिग्गज फलंदाज ब्रायन लारा आणि सुनील गावस्कर यांच्या रेकॉर्डची बरोबरी केली आहे. या दोन्ही दिग्गज फलंदाजांच्या नावे कसोटी क्रिकेटमध्ये ३४-३४ शतकं झळकावण्याची नोंद आहे. यासह माजी फलंदाज महेला जयवर्धने आणि युनूस खान यांच्या नावे देखील कसोटीत ३४-३४ शतकं झळकावण्याची नोंद आहे.

१) सचिन तेंडुलकर (भारत) - ५१ शतक

२) जॅक कॅलिस (दक्षिण आफ्रिका) - ४५ शतक

३) रिकी पाँटिंग (ऑस्ट्रेलिया) - ४१ शतक

४) कुमार संगकारा (श्रीलंका) - ३८ शतक

५) जो रूट (इंग्लंड) - ३६ शतक

६) राहुल द्रविड़ (भारत) - ३६ शतक

७) स्टीव्ह स्मिथ (ऑस्ट्रेलिया) - ३४ शतक

८) यूनुस खान (पाकिस्तान) - ३४ शतक

९) सुनील गावस्कर (भारत) - ३४ शतक

१०) ब्रायन लारा (वेस्टइंडीज) - ३४ शतक

११) महेला जयवर्धने (श्रीलंका) - ३४ शतक

ऑस्ट्रेलिया मजबूत स्थितीत

या सामन्यात ऑस्ट्रेलियाने नाणेफेक जिंकून प्रथम फलंदाजी करण्याचा निर्णय घेतला. हा निर्णय ऑस्ट्रेलियाच्या फलंदाजांनी योग्य ठरवला. डावाची सुरुवात करताना कॉन्टासने शानदार अर्धशतकी खेळी केली.

त्यानंतर लाबुशेन आणि उस्मान ख्वाजा यांनी देखील अर्धशतकं झळकावली. ऑस्ट्रेलियाकडून स्टीव्ह स्मिथने सर्वाधिक १४० धावांची खेळी करत ऑस्ट्रेलियाला मजबूत स्थितीत पोहोचवलं.