प्रसिद्ध फुटबॉल खेळाडू ख्रिस्तियानो रोनाल्डोवर दुःखाचा डोंगर कोसळला आहे. रोनाल्डोच्या नवजात मुलाचे निधन झाले आहे. रोनाल्डोने ट्विट करून ही माहिती दिली आहे. यानंतर चाहत्यांनाही मोठा धक्का बसला आहे. रोनाल्डोची प्रेसयी जॉर्जियाने जुळ्या मुलांना जन्म दिला होता. त्यातील एका बाळाचा मृत्यू झाला. (Cristiano Ronaldo News Updates)

हे देखील पहा -

ख्रिस्तियानो रोनाल्डोने आपल्या ट्विट मध्ये लिहले आहे की, आम्हाला अत्यंत दु:खाने कळवावे लागते की आमच्या नवजात मुलाचे निधन झाले आहे. आमच्या वेदना फक्त आई-बाबा झाले आहेत, त्यांनाच कळू शकतात. आआमच्या मुलीचा जन्म हा आम्हाला हे दु:ख सहन करण्याची ताकद देतो. आम्हाला पाठिंबा देणाऱ्या सर्व डॉक्टर्स आणि परिचारिकांचे आम्ही आभारी आहोत. आम्ही सर्व डॉक्टरांचे आभार मानतो ज्यांनी आमची मदत केली.' क्रिस्टियानो रोनाल्डो आणि जॉर्जिना यांनी दोघांनी हॉस्पिटलमधील एक फोटोही शेअर केला आहे. या दोन मुलांच्या प्रसूतीवेळी मुलाचा मृत्यू झाला आहे, तर मुलगी सुखरूप आहे.

मुलगा आमचा देवदूत होता, आम्ही त्याच्यावर कायम प्रेम करू असे देखील रोनाल्डोने आपल्या ट्वीटमध्ये म्हटलं आहे. ऑक्टोबरमध्ये रोनाल्डोने जॉर्जिनासोबतचा फोटो सोशल मीडियावर शेअर करून ते लवकरच आई- बाबा होणार असल्याची माहिती दिली होती. त्यांनी ऑक्टोबरमध्ये घोषणा केली होती की ते जुळ्या मुलांचे पालक होणार आहेत. रोनाल्डोला 11 वर्षांचा मुलगा ख्रिस्तियानो ज्युनियर, चार वर्षांची इव्हा आणि मटाओ ही जुळी मुलं तर तीन वर्षांची अलाना मार्टिन अशी चार मुलं आहेत.

Edited By - Shivani Tichkule