CPL 2021: धावबाद झाल्यानंतर खेळाडूला राग अनावर; पाहा काय केले Twitter/ @CPL
Sports

CPL 2021: धावबाद झाल्यानंतर खेळाडूला राग अनावर; पाहा काय केले

सेंट लुसिया किंग्सने रोस्टन चेसच्या स्फोटक खेळीच्या जोरावर सामना जिंकण्यात यशस्वी ठरला.

वृत्तसंस्था

सीपीएल 2021 (CPL 2021) च्या 17 व्या सामन्यात सेंट लुसिया किंग्ज संघाने अप्रतिम कामगिरी केली आणि सेंट किट्स अँड नेविस पॅट्रियट्सचा 6 गडी (St Kitts and Nevis Patriots vs Saint Lucia Kings) राखून पराभव केला . या सामन्यात, रोस्टन चेसला (Roston Chase) त्याच्या स्फोटक अर्धशतकासाठी सामनावीराचा किताब देण्यात आला. चेसने 38 चेंडूत 51 धावा केल्या ज्यात 4 चौकार आणि 2 षटकारांचा समावेश होता. सेंट लुसिया किंग्सने रोस्टन चेसच्या स्फोटक खेळीच्या जोरावर सामना जिंकण्यात यशस्वी ठरला. या सामन्यादरम्यान, चेसच्या स्फोटक खेळीव्यतिरिक्त, एक घटना देखील घडली ज्याची सोशल मीडियावर चर्चा झाली. खरं तर, सेंट किट्स अँड नेव्हिस पॅट्रियट्सचा फलंदाज शेरफेन रदरफोर्ड बाद झाल्यानंतर त्याला इतका राग आला की त्याने सीमारेषा ओलांडताच हेल्मेट, बॅट आणि हातमोजे फेकून दिले.

रदरफोर्डची ही कृती कॅमेऱ्यात कैद झाली आहे. ज्याचा व्हिडिओ सोशल मीडियावर खूप व्हायरल होत आहे. सामन्यादरम्यान रदरफोर्ड आपल्या सहकारी खेळाडूवर इतका रागवला की त्याने हेल्मेट फेकले. तर झाले असे की जेव्हा रदरफोर्ड 14 धावांवर फलंदाजी करत होता नंतर तो धावबाद झाला आणि चिडून मैदानाबाहेर गेला.

10 व्या षटकात, रदरफोर्ड धावबाद झाला, त्यानंतर तो त्याच्या साथीदार फलंदाजावर खूप निराश दिसला, हेच कारण होते की जेव्हा रदरफोर्ड धावबाद झाल्यानंतर पॅव्हेलियनकडे जात होता, तेव्हा तो खूप रागावला होता, राग इतका होता की त्याने मैदानावरच त्यावर प्रतिक्रिया देण्यास सुरुवात केली. सीमा रेषेजवळून जात असताना त्याने रागाने त्याचे हेल्मेट, बॅट आणि हातमोजे फेकले. त्याचा व्हिडिओ सीपीएलच्या अधिकृत ट्विटरवरही शेअर करण्यात आला आहे. यावर चाहते कमेंट करत आहेत. रदरफोर्ड बाद झाला तरी त्याच्या रागावर नियंत्रण असायला हवे होते असे क्रिकेटचे चाहते म्हणत आहेत.

Edited By: Pravin Dhamale

सकाळ+चे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

India vs Sri Lanka : टीम इंडियाची सुपर ओव्हरमध्ये झुंजार खेळी, श्रीलंकेच्या तोंडून हिसकावला विजयाचा घास

Maharashtra Politics: काका चुकांवर पांघरुण घालायचे, दादांना शरद पवारांची आठवण का आली

आय लव्ह मोहम्मद आणि आय लव्ह महादेव; देशभरात रंगलेला बॅनर वाद आणि त्यामागची खरी कारणे

Maharashtra Politics : शिंदे गटाच्या नेत्याच्या मुलाला मारण्यासाठी ४ कोटींची सुपारी; पोलिसांत गुन्हा दाखल, राजकीय वर्तुळात खळबळ

Ladki Bahin Yojana: सरकारी लाडकीला दणका, 15 कोटी वसूल करणार

SCROLL FOR NEXT