झारखंडच्या सिमडेगा जिल्ह्यात एक मोठी घटना घडली आहे. बुधवारी वीज पडून नवोदीत हॉकी खेळाडूंचा मृत्यू झाल्याची धक्कादायक घटना घडली आहे. या घटनेत कमीत कमी ३ खेळाडूंना आपले प्राण गमवावे लागले आहे. तर ५ खेळाडू गंभीर जखमी झाल्याची माहिती समोर आली आहे. मिळालेल्या माहितीनूसार हे खेळाडू हॉकी सामन्यसाठी सराव करत होते. मात्र वीज पडून त्यांना आपले प्राण गमवावे लागले आहे.

स्थानिक पोलीस अधिकाऱ्यांनी दिलेल्या माहितीनुसार, ही घटना झपला आरसी शाळेलगत असलेल्या मैदानावर घडली आहे. दुखापतग्रस्त खेळाडूंना उपचारासाठी रुग्णालयात दाखल करण्यात आलं असून, मृत पावलेल्या खेळाडूंचे शव शवविच्छेदनासाठी पाठवण्यात आले आहेत.

केरळमधील वायनाड जिल्ह्यात जोरदार पाऊस सुरु आहे. त्यामुळे बुधवारी वायनाड जिल्ह्यातील काही भागांमध्ये जोरदार पाऊस पडण्याचा अंदाज वर्तविण्यात आला होता. IMD कडून ऑरेंज अलर्टही देण्यात आला होता. वायनाडमधील जोरदार पावसामुळे भुस्खलन झाल्याने २३० हून अधिक लोकांना आपले प्राण गमवावे लागले आहे. वायनाडसह लक्षद्वीपलाही रेड अलर्ट देण्यात आला आहे.

हवामान विभागाने गुरुवारी वायनाड आमि कोझीकोड येथे जोरदार (२४ तासांत सात सेंटीमीटर ते ११ सेंटीमीटरपर्यंत) ते अतिजोरदार पाऊस (२४ तासांत १२ सें.मी. ते २० सें.मी.) पडणार असल्याचा अंदाज वर्तवला आहे. यासह लक्षद्वीपला रेड अलर्ट देण्यात आला आहे. यासह अनेक ठिकाणी जोरदार पाऊस पडणार असल्याची चेतावणी देण्यात आली आहे.