Shoaib Malik Match-Fixing Controversy: 

पाकिस्तानचा अष्टपैलू खेळाडू शोएब मलिकच्या अडचणीत वाढ होताना दिसून येत आहे. काही दिवसांपूर्वी त्याने पाकिस्तानी अभिनेत्रीसोबत तिसऱ्यांदा विवाह बंधनात अडकला. दरम्यान सानिया मिर्झासोबत घटस्फोट झाल्यानंतर त्याचा वाईट काळ सुरु झाला आहे. मॅच फिक्सिंगच्या आरोपांनंतर त्याचा बांगलादेश प्रीमियर लीग स्पर्धेचा करार रद्द करण्याला आला आहे.

शोएब मलिक सध्या बांगलादेश प्रीमियर लीग स्पर्धा खेळतोय. या स्पर्धेत खेळत असताना त्याने एकाच षटकात ३ नो बॉल टाकले आहेत. या संशयास्पद गोलंदाजीनंतर त्याच्यावर मॅच फिक्सिंगचे आरोप करण्यात आले होते. Free Press Journal च्या माहितीनूसार, फॉर्च्युन बेरिसल संघाने शोएब मलिकचा करार तत्काळ रद्द केला आहे.

काय आहे संपूर्ण प्रकरण?

तर झाले असे की, काही दिवसांपूर्वी झालेल्या सामन्यात फॉर्च्युन बेरिसल आणि खुलना टायगर्स हे दोन्ही संघ आमने सामने आले होते. या षटकातील सुरुवातीचे ४ चेंडू व्यवस्थित टाकले. त्यानंतर पुढील २ चेंडू टाकण्यासाठी त्याने ३ नो बॉल टाकले. हे टी-२० क्रिकेटच्या इतिहासात पहिल्यांदाच घडलं आहे. यापूर्वी कुठल्याही फिरकी गोलंदाजाने एकाच षटकात ३ नो बॉल टाकले नव्हते. त्याच्या या कृत्यामुळे त्याच्यावर मॅच फिक्सिंगचे आरोप केले आहेत. (Latest sports updates)

ही स्पर्धा सुरु होण्यापूर्वी अशा चर्चा सुरु होत्या की, शोएब मलिक बांगलादेश प्रीमियर लीग स्पर्धेत खेळणार नाहीये. तो दुबईला रवाना होणार असल्याची माहिती समोर आली होती. त्यावेळी तो वैयक्तिक कारणास्तव दुबईला जात असल्याची चर्चा सुरु होती.

सना जावेदसोबत अडकला विवाहबंधनात..

शोएब मलिक काही दिवसांपूर्वीच पाकिस्तानी अभिनेत्री सना जावेदसोबत विवाह बंधनात अडकला आहे. त्याने भारताची स्टार टेनिसपटू सानिया मिर्झाला घटस्फोट झाला आहे. त्याने आपल्या तिसऱ्या लग्नाचे फोटो सोशल मीडियावर शेअर करत लग्न केला असल्याची माहिती दिली होती.