Shoaib Akhtar Bollywood News: शोएब अख्तर हा पाकिस्तान संघातील दिग्गज खेळाडूंपैकी एक आहे. क्रिकेटच्या मैदानावर अनके मोठ मोठे विक्रम करणारा हा गोलंदाज आता समालोचन करताना दिसून येत असतो.

तसेच अनेक क्रिकेटपटूंप्रमाणेच तो अनेकदा बॉलिवूडबद्दल असलेलं आपलं प्रेम व्यक्त करताना दिसून आला आहे. नुकताच त्याने मोठा खुलासा केला आहे. (Latest Sports Updates)

बॉलिवूडमध्ये काम करायची संधी मिळणं ही खूप मोठी गोष्ट असते. आता पाकिस्तानचा दिग्गज गोलंदाज, शोएब अख्तरने म्हटले आहे की, त्याला देखील बॉलिवूडमध्ये काम करायची संधी मिळाली होती.

द एक्स्प्रेस ट्रिब्यूनने दिलेल्या माहितीनुसार, शोएब अख्तरने म्हटले की, 'महेश भट्ट निर्देशित 'गॅंगस्टर' या चित्रपटात मला मुख्य भूमिका करण्यासाठी विचारपूस करण्यात आली होती.'

गतवर्षी शोएब अख्तरने (Shoaib Akhtar) एका मोठा खुलासा केला होता. त्याच्या आयुष्यावर आधारित 'रावळपिंडी एक्सप्रेस: द रेसिंग अगेन्स्ट द ऑड्स' या चित्रपटाची शूटिंग लवकरच सुरु होणार असल्याचे त्याने म्हटले होते. मात्र या चित्रपटाची शूटिंग केव्हा सुरु होणार,याबाबत कुठलीही माहिती मिळाली नाहीये.

काही दिवसांपूर्वी पाकिस्तान क्रिकेटमध्ये एक मोठा बदल पाहायला मिळाला होता. मायदेशात इंग्लंड संघाकडून पराभूत झाल्यांनतर रमीज राजा यांची पाकिस्तान क्रिकेट बोर्डच्या चेअरमन पदावरून हकालपट्टी करण्यात आली होती. त्यांच्या ऐवजी नमज सेठी यांना चेअरमनपद देण्यात आले आहे.

मात्र आता शोएब अख्तर देखील या पदावर जाण्याच्या तयारीत आहे. त्याने म्हटले आहे की, पाकिस्तान क्रिकेट बोर्डच्या चेअरमन पदावरून जाऊन त्याला सुपरस्टार्स खेळाडूंना संधी द्यायची आहे.