सातारा : महाराष्ट्र केसरी (maharashtra kesari) किताब पटकाविलेल्या काेल्हापूरच्या (kolhapur) पृथ्वीराज पाटीलला (prithviraj patil) स्पर्धा आयाेजकांनी केवळ गदाच दिली राेख रक्कम दिली नाही अशी त्याने व्यक्त केलेली खंत सर्वांत प्रथम साम टीव्हीनं दाखविल्यानंतर काही वेळेतेच मल्ल पाटील याच्यावर बक्षीसांची खैरात सुरु झाली. राज्याचे विराेधी पक्ष नेते देवेंद्र फडणवीस, राज्याचे गृहराज्य मंत्री शंभूराज देसाई (shambhuraj desai), सातारा-जावळीचे आमदार शिवेंद्रसिंहराजे भाेसले (shivendraraje bhosale), खासदार उदयनराजे भाेसले (udayanraje bhosale) यांचे समर्थक माजी शिक्षण सभापती सुनील काटकर यांनी पृथ्वीराज पाटील यांस (satara) लाखाे रुपयांची बक्षीसं जाहीर केली आहेत. (maharashtra kesari prithviraj patil latest marathi news)

शिवेंद्रराजेंकडून पाच लाख

आमदार शिवेंद्रराजे भोसले म्हणाले पृथ्वीराजच्या नाराजीची दखल घेऊन सातारा- जावलीकर म्हणून मी तातडीने महाराष्ट्र केसरी विजेता पृथ्वीराज पाटील यांना पाच लाख रुपयांची रोख रक्कम जाहीर करीत आहे. ही रक्कम आम्ही तातडीने पृथ्वीराजला देऊ असे आमदार शिवेंद्रराजे यांनी नमूद केले.

शंभूराज देसाईंनी पाठविले दाेन लाख

महाराष्ट्र केसरी पृथ्वीराज पाटीलला बक्षीसाची रोख रक्कम न मिळाल्याची खंत आम्ही साम टीव्हीवर पाहिली. आम्ही पृथ्वीराज पाटील यांना (कै.) शिवाजीराव देसाई चॅरिटेबल ट्रस्ट तर्फे दाेन लाख रुपयांचा बक्षीसाचा धनादेश पाठविल्याची माहिती गृहराज्यमंत्री शंभुराज देसाई यांनी दिली.

उदयनराजेंच्या हस्ते बुलेट

महाराष्ट्र केसरी पृथ्वीराज पाटील यास केवळ गदाच मिळाली हे वृत्त साम टीव्हीनं दाखविले आणि श्रीमंत छत्रपती प्रतापसिंह महाराज उर्फ दादा महाराज तालीम संघाने पृथ्वीराज पाटील यास खासदार उदयनराजे भाेसले यांच्या हस्ते बुलेट देणार आहाेत असं जाहीर केले आहे.

Edited By : Siddharth Latkar