काल एक एप्रिलचा दिवस होता. या दिवशी आपल्या मित्रांना किंवा सहकाऱ्यांना एप्रिल फूल म्हणजेच त्यांना फसवलं जातं. दरम्यान या दिवशी क्रिकेटचा मास्टर ब्लास्टर सचिन तेंडुलकर देखील मागे राहिलेला नाही. सचिन सोशल मीडियावर नेहमी एक्टिव्ह असतो. अशातच एक एप्रिलच्या दिवशी त्याने त्याच्या मित्रासोबत प्रँक केला आहे.

व्हिडीओ पाहून तुम्हालाही येऊन हसू

सोशल मीडियावर पोस्ट केलेल्या व्हिडिओमध्ये सचिन अगदी त्याच्यासारख्या दिसणाऱ्या एका व्यक्तीच्या मदतीने आपल्या मित्रासोबत प्रँक करताना दिसतोय. त्याने व्हिडिओला कॅप्शन देताना लिहिलंय की, जर तुम्ही त्यांची मजा मस्करी केली नाही तर ते खरंच तुमचे मित्र आहेत का?

काय घडलंय नेमकं व्हिडीओमध्ये

सचिन त्याच्यासारख्या हुबेहुब दिसणाऱ्या व्यक्तीला खुर्चीवर बसतो. त्यानंतर, सचिनचा मित्र खोलीत येतो आणि खुर्चीवर बसलेल्या त्या माणसाला खरा तेंडुलकर समजून त्याला मागून मिठी मारण्याचा प्रयत्न करतो. यावेळी सचिनसारखा दिसणारा माणून रागावतो आणि मित्राला ओरडू लागतो. सचिन ही मजा मागे उभा राहून पाहत असतो. थोड्यावेळाने सचिन समोर येतो आणि मित्राला प्रँक असल्याचं सांगतो.

कशी आहे सचिनची कारकिर्द

महान तेंडुलकरने आंतरराष्ट्रीय क्रिकेटमध्ये २०० टेस्ट, ४६३ वनडे आणि एक टी-२० आंतरराष्ट्रीय सामने खेळले. तो सर्वाधिक टेस्ट सामने खेळणारा फलंदाज आहे. ३२९ टेस्ट डावांमध्ये त्याने ५३.७८ च्या सरासरीने १५,९२१ रन्स केले आहेत. ज्यामध्ये ५१ शतकं आणि ६८ अर्धशतकांचा समावेश आहे. त्याचा सर्वोत्तम टेस्ट स्कोर २४८* होती.

४५२ वनडे सामन्यांमध्ये सचिनने ४४.८३ च्या सरासरीने १८,४२६ रन्स केलेत. ज्यामध्ये ४९ शतकं आणि ९६ अर्धशतकांचा समावेश आहे. त्याचा सर्वोत्तम स्कोर २००* होता. त्याच्या एकमेव दुसऱ्या टी२० आंतरराष्ट्रीय सामन्यात त्याने १० रन्स केले आहेत.