Aakash Chopra On Team India Captaincy:

टी -२० वर्ल्डकप सुरू व्हायला अवघे काही दिवस शिल्लक राहिले आहेत. मात्र अजूनही भारतीय संघाची संघ बांधणी झालेली नाही. संघात कोणाला स्थान मिळणार ? तसेच संघाचा कर्णधार कोण असेल हे अजूनही स्पष्ट होऊ शकलेलं नाही. दरम्यान माजी भारतीय क्रिकेटपटू आकाश चोप्राने टी -२० वर्ल्डकप स्पर्धेत भारतीय संघाचा कर्णधार कोण असेल याबाबत मोठा खुलासा केला आहे.

आपल्या युट्यूब चॅनेलवर बोलताना हार्दिक पंड्या म्हणाला की, ' कदाचित टी -२० वर्ल्डकप स्पर्धेत हार्दिक पंड्या भारतीय संघाचा कर्णधार नसेल. कारण तो फिटनेसच्या समस्येने त्रस्त आहे. तो वर्तमानात क्रिकेट खेळत नाहीये. तो वर्ल्डकप स्पर्धेत दुखापतग्रस्त झाला आहे. तो अफगाणिस्तानविरुद्धच्या टी -२० मालिकेत खेळणार नाही, तो कसोटी मालिका खेळणार नाही. तो थेट आयपीएलमध्ये खेळणार. या सर्व गोष्टी त्याच्या विरोधात जात आहेत.' (Latest sports updates)

तसेच कर्णधारपदाबाबत बोलताना तो म्हणाला की, ' मला असं वाटतं की रोहित टी -२० संघाचं नेतृत्व करताना दिसेल. टी -२० वर्ल्डकप स्पर्धेतही तो भारतीय संघाचा कर्णधार असेल. जर तुम्ही हा प्रश्न टी -२० वर्ल्डकप २०२२ स्पर्धेनंतर विचारला असता तर उत्तर कदाचित नाही असू शकलं असतं. कारण त्यावेळी भारतीय संघ १० षटकात ६० धावा करू शकत होता. मात्र आता गोष्टी बदलल्या आहेत.'

टी -२० वर्ल्डकप स्पर्धेसाठी वेळापत्रकाची घोषणा करण्यात आली आहे. ठरलेल्या वेळापत्रकानुसार ही स्पर्धा येत्या जून महिन्यात रंगणार आहे. ही स्पर्धा सुरू होण्यापूर्वी भारतीय संघ अफगाणिस्तानविरुद्ध टी -२० मालिका खेळणार आहे. या मालिकेला येत्या ११ जानेवारीपासून प्रारंभ होणार आहे. या दोन्ही संघांमध्ये ३ सामन्यांची मालिका रंगणार आहे. ही मालिका टी -२० वर्ल्डकप २०२४ स्पर्धेपूर्वी भारतीय संघाची शेवटची मालिका असणार आहे.