डाव्या हाताचा आक्रमक फलंदाज रिंकू सिंगने कमी वेळात आंतरराष्ट्रीय क्रिकेटमध्ये आपली वेगळी ओळख निर्माण केली आहे. गेल्या काही सामन्यांमध्ये फिनिशर म्हणून अतिशय महत्वाची भूमिका बजावली आहे.
नुकताच अफगाणिस्तानविरुद्धच्या टी-२० मालिकेत त्याची बॅट चांगलीच तळपली. शेवटच्या टी-२० सामन्यात त्याने रोहित शर्मासोबत मिळून १९० धावांची विक्रमी भागीदारी केली. त्याच्या या कामगिरीची दखल घेत बीसीसीआयने त्याला मोठी संधी दिली आहे.
भारत- इंग्लंड यांच्यातील ५ कसोटी सामन्यांची मालिका सुरु होण्यापूर्वी भारतीय अ संघ आणि इंग्लंड लायन्स या दोन्ही संघांमध्ये तीन सामन्यांची अनधिकृत कसोटी मालिका सुरु आहे. २४ फेब्रुवारीपासून अहमदाबादच्या मैदानावर दोन्ही संघांमध्ये दुसऱ्या सामन्याचा थरार रंगणार आहे. तर १ फेब्रुवारीपासून तिसऱ्या सामन्याला प्रारंभ होणार आहे. या सामन्यांसाठी बीसीसीआयने संघाची घोषणा केली आहे.
या मालिकेतील तिसऱ्या सामन्यासाठी रिंकू सिंगलाही स्थान देण्यात आलं आहे. त्याला सरफराज खानच्या जागी संधी देण्यात आली आहे. रिंकू सिंगसह अर्शदीप सिंगलाही या संघात स्थान देण्यात आलं आहे. (Latest sports updates)
दुसऱ्या सामन्यासाठी असा आहे भारतीय अ संघ:
अभिमन्यू ईश्वरन (कर्णधार), साई सुदर्शन, रजत पाटीदार, सरफराज खान, टिळक वर्मा, कुमार कुशाग्र, वॉशिंग्टन सुंदर, सौरभ कुमार, अर्शदीप सिंग, तुषार देशपांडे, विद्वत कवेरप्पा, उपेंद्र यादव, आकाश दीप, यश दयाल.
तिसऱ्या सामन्यासाठी असा आहे भारतीय अ संघ:
अभिमन्यू ईश्वरन (कर्णधार), साई सुदर्शन, रजत पाटीदार, टिळक वर्मा, रिंकू सिंग, कुमार कुशाग्र, वॉशिंग्टन सुंदर, शम्स मुलानी, अर्शदीप सिंग, तुषार देशपांडे, विद्वत कवेरप्पा, उपेंद्र यादव, आकाश दीप, यश दयाल
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.