India vs Australia WTC Final 2023: भारत आणि ऑस्ट्रेलिया यांच्यात वर्ल्ड टेस्ट चॅम्पियनशिपचा अंतिम सामना सुरु आहे. आज सामन्याच्या पाचवा आणि निर्णायक दिवस आहे. टीम इंडिया समोर 444 धावांचं मोठं लक्ष्य ऑस्ट्रेलियांने ठेवलं आहे. चौथ्या दिवसाचा खेळ संपेपर्यंत टीम इंडियाने 3 विकेट्स गमावत 164 धावा केल्या.
आज पाचव्या दिवशी भारतीय संघ 164 धावांच्या पुढे डावाची सुरुवात करेल. विराट कोहली 44 धावांवर आणि अजिंक्य रहाणे 20 धावांवर मैदानात तळ ठोकून आहेत. सामन्यात विजयासाठी भारताला अजूनही 280 धावांची गरज आहे. (Latest sports updates)
वर्ल्ड टेस्ट चॅम्पियनशिपच्या या सामन्यावर आज पावसाचं सावट आहे. लंडनमध्ये आज म्हणजेच 11 जून रोजी हवामान खराब असण्याचा अंदाज आहे. Accuweatherनुसार आज पाऊस होण्याची शक्यता 99 टक्के आहे. त्यामुळे पाऊस पाचव्या दिवसाचा खेळ बिघडवणार हे जवळपास फिक्स आहे.
लंडनमधील हवामान
कमाल तापमान - 27 अंश सेल्सिअस
किमान तापमान - 17 अंश सेल्सिअस
पावसाची शक्यता - 99 टक्के
ढगाळ वातावरण - 55 टक्के
हवेची गती- 29 किमी प्रति तास
राखीव दिवशीही पाऊस पडला तर...
पाचव्या दिवशी एक तासाहून अधिक वेळ पाऊस पडला तर सामना राखीव दिवसात खेळवला जाईल. म्हणजे पाचव्या दिवसाचा खेळ 12 जून रोजी सोमवारी सुरु होईल.
मात्र राखीव दिवशी देखील पावसाने हजेरी लावली तर सामना ड्रॉ केला जाईल. सामन्या अनिर्णित राहिला तर दोन्ही संघांना संयुक्त विजेता घोषित केलं जाईल. त्यानुसार दोन्ही संघ चॅम्पियन ठरतील.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.