SRH vs PBKS Match Updates : आयपीएलमध्ये आजचा दुसरा सामना सनराईज हैदराबाद आणि पंजाब किंग्ज या दोन संघादरम्यान झाला. या सामन्यात हैदराबादने पंजाबवर ८ विकेट्सनी विजय दणदणीत मिळवला. यंदाच्या हंगामातील हैदराबादचा हा पहिलाच विजय आहे. प्रथम फलंदाजी करताना पंजाबने हैदराबादसमोर विजयासाठी १४४ धावांचे आव्हान ठेवले होते. हैदराबादने हे आव्हान १७ चेंडू आणि ८ विकेट्स राखून पूर्ण केलं.  (Latest sports updates)

हैदराबादकडून राहुल त्रिपाठीने ४८ चेंडूत नाबाद ७४ धावांची खेळी केली. त्याला कर्णधार एडम मार्करमने २१ चेंडूत नाबाद ३७ धावा चांगली साथ दिली. पंजाबने दिलेल्या १४४ धावांच्या आव्हानाचा पाठलाग करताना सनराइजर्स हैदराबादची सुरूवात अत्यंत खराब झाली होती.

सलामीवर मयांक अग्रवाल आणि हॅरी ब्रुक स्वस्तात माघारी परतले. ब्रुकने १३ तर मयांकने २१ धावा केल्या. दोघेही बाद झाल्यानंतर हैदराबादचा डाव कोसळणार की काय असे वाटत होते. पण राहुल त्रिपाठीने मोर्चा सांभाळला. (IPL 2023)

राहुल त्रिपाठी आणि एडन मार्करम यांनी शतकी भागीदारी करत पंजाबला विजय मिळवून दिला. राहुल त्रिपाठी याने ४८ चेंडूत ७४ धावांची खेळी केली. तर एडन मार्करम याने ३७ धावांचे योगदान दिले. पंजाबकडून अर्शदीप सिंह आणि राहुल चाहर यांनी प्रत्येकी एक एक विकेट घेतली.

तत्पुर्वी नाणेफेक गमावल्यानंतर प्रथम फलंदाजीसाठी उतरलेल्या पंजाब किंग्जची सुरूवात अतिशय निराशाजनक झाली. मागच्या सामन्यात (IPL 2023) विस्फोटक खेळी करणाऱ्या प्रभसिमरनला भुवनेश्वर कुमारने पहिल्याच चेंडूवर बाद केले. त्यापाठोपाठ मार्को यान्सनने मॅट शॉर्ट आणि जितेश शर्माला झटपट माघारी पाठवलं.

त्यानंतर फलंदाजीसाठी आलेल्या सॅम करनने शिखर धवनला साथ देत पंजाबचा डाव पुढे नेला. सॅम करन मयांक मार्कंडेच्या फिरकीच्या जाळ्यात अडकला. त्यानंतर एकापाठोपाठ पंजाबचे गडी बाद होत गेले. एकवेळी पंजाबची अवस्था ९ बाद ८८ झाली होती.

मात्र, शिखर धवनने तळातील फलंदाजाला हाताशी धरत पंजाबचा डाव पुढे नेला. शिखर धवनने ६६ चेंडूत नाबाद ९९ धावांची झुंजार खेळी केली. त्यामुळे पंजाबला सन्माजनक धावसंख्या उभारता आली. हैदराबादकडून मयांक मार्कंडेने सर्वाधिक ४ विकेट्स घेतल्या. तर भुवनेश्वर कुमार आणि उमरान मलिक यांनी प्रत्येकी २-२ विकेट्स घेतल्या.

Edited by - Satish Daud