Ind vs Aus:आर अश्विन हा कसोटी क्रिकेटमधील सर्वोत्तम गोलंदाजांपैकी एक आहे. ऑस्ट्रेलिया विरुद्ध झालेल्या नागपूर कसोटीत देखील त्याच्या गोलंदाजीची जादू पाहायला मिळाली आहे.

त्याने या सामन्यातील दुसऱ्या डावात अप्रतिम गोलंदाजी करत ऑस्ट्रेलियाच्या ५ फलंदाजांना पॅव्हेलियनचा रस्ता दाखवला. यासह त्याने एका मोठ्या विक्रमाला गवसणी घातली आहे.

आर अश्विनने रचला इतिहास..

आर अश्विनने या सामन्यातील पाहिल्या डावात गोलंदाजी करताना १५.५ षटकात ऑस्ट्रेलियाचे ३ फलंदाज बाद केले होते. तर दुसऱ्या डावात तो आणखी आक्रमक गोलंदाजी करताना दिसून आला. ऑस्ट्रेलिया संघाचे जेव्हा ७ फलंदाज माघारी परतले होते.

त्यापैकी ५ फलंदाज हे आर अश्विनने बाद केले होते. या डावात ५ गडी बाद करताच त्याने अनिल कुंबळेंचा मोठा विक्रम मोडून काढला आहे.

असा कारनामा करणारा ठरला दुसरा भारतीय गोलंदाज..

आर अश्विनने आतापर्यंत कसोटी क्रिकेटमध्ये ३१ वेळेस एकाच डावात ५ किंवा त्यापेक्षा अधिक गडी बाद करण्याचा विक्रम केला आहे. या यादीत त्याने दुसरे स्थान मिळवले आहे.

तर या यादीत अनिल कुंबळे अव्वल स्थानी आहेत. अनिल कुंबळे यांनी ३५ वेळेस ५ किंवा त्यापेक्षा अधिक गडी बाद करण्याचा विक्रम केला आहे.

बॉर्डर गावसकर ट्रॉफीत केला हा विक्रम.

या कामगिरीसह आर अश्विन बॉर्डर गावसकर ट्रॉफीतील दुसरा सर्वात यशस्वी गोलंदाज ठरला आहे. अनिल कुंबळे हे बॉर्डर गावसकर ट्रॉफीतील सर्वात यशस्वी गोलंदाज आहेत.

अनिल कुंबळे यांनी १११ गडी बाद केले आहेत. तर आर अश्विनने आतापर्यंत एकूण ९६ गडी बाद केले आहेत.