भारत आणि बांगलादेश या दोन्ही संघांमध्ये २ कसोटी सामन्यांची मालिका रंगणार आहे. या मालिकेतील पहिला सामना १९ सप्टेंबरपासून चेन्नईत रंगणार आहे. हा सामना भारतीय संघातील फिरकी गोलंदाज आर अश्विनसाठी अतिशय खास असणार आहे. कारण या सामन्यात अश्विनला एक मोठा रेकॉर्ड आपल्या नावावर करण्याची संधी असणार आहे.
भारत आणि बांगलादेश यांच्यात होणाऱ्या पहिल्या कसोटीत अश्विनला मोठ्या रेकॉर्डमध्ये नंबर १ बनण्यासाठी केवळ ५ गडी बाद करायचे आहेत. बांगलादेशविरुद्ध होणाऱ्या कसोटीत जर त्याने ५ गडी बाद केले, तर या स्पर्धेत सर्वाधिक वेळेस ५ गडी बाद करणाऱ्या गोलंदाजांच्या यादीत तो अव्वल स्थानी पोहोचणार आहे.
आतापर्यंत आर अश्विन आणि ऑस्ट्रेलियाचा अनुभवी गोलंदाज नॅथन लायनने प्रत्येकी १०-१० वेळेस ५ गडी बाद करण्याचा कारनामा केला आहे. जर अश्विनने या सामन्यात ५ गडी बाद केले, तर तो लायनला मागे सोडत सर्वाधिक वेळेस ५ गडी बाद करणारा गोलंदाज ठरेल. यासह आर अश्विन हा वर्ल्ड टेस्ट चॅम्पियनशिपमध्ये सर्वाधिक गडी बाद करणाऱ्या गोलंदाजांच्या यादीत तिसऱ्या स्थानी आहे. त्याने आतापर्यंत १७४ गडी बाद केले आहेत.
आर अश्विन हा वर्ल्ड टेस्ट चॅम्पियनशिप स्पर्धेत सर्वाधिक गडी बाद करणारा गोलंदाज आहे. त्याने आतापर्यंत १७४ गडी बाद केले आहेत. यासह या स्पर्धेत सर्वात जलद १५० चा आकडा गाठणारा तो पहिलाच गोलंदाज आहे. यासह ऑस्ट्रेलियाचा कर्णधार पॅट कमिन्स आणि नाथन लायन यांच्या नावे देखील १५० पेक्षा अधिक गडी बाद करण्याची नोंद आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.