दोहा : येथे झालेल्या १९ व्या आशियाई १०० यूपी बिलियर्ड्स अजिंक्यपद २०२२ स्पर्धेत (19th Asian 100 UP Billiards Championship 2022) भारताच्या (india) पंकज अडवाणीने (Pankaj Advani) अंतिम फेरीत ध्रुव सितवालाचा (Dhruv Sitwala) सहा फ्रेम्सने पराभव करून आठवे विजेतेपद पटकावले. अडवाणीचे (sports) हे २४ वे आंतरराष्ट्रीय आणि आठवे आशियाई विजेतेपद (victory) आहे. (pankaj advani latest marathi news)

दोन वेळा आशियाई बिलियर्ड्सचे अजिंक्यपद (Asian billiards champion) पटकाविणा-या सितवाला विरुद्ध खेळताना अडवाणीने पहिली फ्रेम सहज जिंकली. त्यानंतर दुसरी फ्रेम जिंकून पंकजनने २-० अशी आघाडी घेतली. तिसर्‍या फ्रेममध्ये देखील पकंजने आपले वर्चस्व कायम ठेवले. त्यानंतर सितवालाने चौथ्या फ्रेमध्ये टस्सल देत खेळात रंगत वाढवत ही फ्रेम जिंकली. पाचव्या फ्रेममध्ये पंकजने ताबा मिळवित ४-१ अशी आघाडी घेतली. ती सहाव्या फेरीतही कायम ठेवली. सातवी फ्रेम सितवालाने जिंकली परंतु पंकजने शानदार खेळ करीत सामना ६-२ असा जिंकला.

तत्पूर्वी म्यानमारच्या पोक साचे कडवे आव्हान मोडून काढत अडवाणीने ५-४ असा विजय मिळवत अंतिम फेरीत प्रवेश केला होता. विश्वविजेत्या अडवाणीने उपांत्य फेरीच्या चूरशीच्या सामन्यात चुणुक दाखविल्याने क्रीडाप्रेमींचा आनंद गगनात मावेनासा झाला हाेता.

Edited By : Siddharth Latkar