पालघर : जिल्ह्यातून एक मोठी आणि आनंदाची बातमी समोर आली आहे. पालघरचे पोलीस अधिक्षक बाळासाहेब पाटील (Balasaheb Patil) यांचा मुलगा रुद्राक्षने पाटीलने (Rudraksh Patil) चमकदार कामगिरी केलीय. दहा मीटर रायफल स्पर्धेत रुद्राक्षने विश्वविक्रम केला आहे. टोकीयो येथे झालेल्या ऑलिम्पिक स्पर्धेत विजय पटकावलेल्या तिनही स्पर्धकांवर मात करत रूद्राक्षने सुवर्ण पदक (Gold Medal) पटकावलं आहे. त्यामुळे 2024 मध्ये फ्रान्स येथे होणाऱ्या ऑलिम्पिक स्पर्धेतील रुद्राक्षचा कोटा निश्चित झाला आहे. (Rudraksh Patil won gold medal in Rifle Shooting)

राष्ट्रीय आणि आंतरराष्ट्रीय स्पर्धेत सुवर्ण कामगिरी करत रुद्राक्षने वेगळं स्थान निर्माण केलं आहे . रुद्राक्षने राष्ट्रीय स्पर्धेत 20 सुवर्ण,12रोप्य ,7 रजत पदक मिळवत खेलो इंडिया युथ स्पर्धा 2020 मध्ये सुवर्ण पदक मिळवलं होतं .आंतरराष्ट्रीय स्पर्धेत रुद्राक्षने 8सुवर्ण ,3रोप्य पदकांवर नाव कोरलं होतं .

रुद्राक्ष सध्या सिनिअर वर्ल्ड रँकिंग मध्ये सातव्या क्रमांकावर असून ज्युनिअर वर्ल्ड रँकिंग मध्ये पहिल्या क्रमांकावर आहे.रुद्राक्षची कामगिरी पाहता आगामी ऑलम्पिक स्पर्धेत रुद्राक्ष देशाला सुवर्णपदक मिळवून देण्यात कमी पडणार नाही, असा विश्वास रुद्राक्षच्या कुटुंबियांकडून व्यक्त करण्यात आला आहे .