भारत आणि न्यूझीलंड यांच्यातील पाच सामन्यांच्या वनडे सिरीजमधील चौथा सामना आज माउंट माउंगानुईमधील बे ओव्हल मैदानावर खेळवण्यात आला. या सामन्यात न्यूझीलंडने भारताचा तब्बल 244 रन्सने दारूण पराभव केलाय. न्यूझीलंडने भारतासमोर विजयासाठी 334 रन्सचं लक्ष्य ठेवलं होतं. पण या लक्ष्याचा पाठलाग करताना टीम इंडिया अवघ्या 89 रन्सवर गारद झालीये.

न्यूझीलंडच्या या दणदणीत विजयाचा शिल्पकार ठरला गोलंदाज मॅट हेन्री. त्याने अवघ्या 27 रन्स देत भारताचे 6 खेळाडू बाद केलेत. न्यूझीलंडचा विजय झाला असला तरीही भारत या सिरीजमध्ये 2-1 अशा आघाडीवर आहे.