पुण्यातील वाघोलीत झालेल्या 68 वा महाराष्ट्र केसरी स्पर्धेत राज्याला नवा महाराष्ट्र केसरी मिळाला आहे. नाशिकचा हर्षवर्धन सदगीरनं 68 वं महाराष्ट्र केसरीची गदा जिंकलीय. पुण्यातील वाघोलीत झालेल्या अंतिम सामन्यात हर्षवर्धन सदगीरने सोलापुरच्या महेंद्र गायकवाडला चीतपट करत मानाची चांदीची गदा पटकावली आहे. हर्षवर्धनने 4-2 अशा फरकाने विजय मिळवला. यासह हर्षवर्धनची महाराष्ट्र केसरी गदा पटकावण्याची ही एकूण दुसरी वेळ आहे.

वाघोली येथे पार पडलेल्या 68 व्या महाराष्ट्र केसरी कुस्ती स्पर्धेच्या अंतिम लढतीत प्रेक्षकांना श्वास रोखून धरायला लावणारा थरार अनुभवायला मिळाला. गादी विभागातील विजेता हर्षवर्धन सदगीर आणि माती विभागातील विजेता महेंद्र गायकवाड यांच्यात झालेल्या अटीतटीच्या अंतिम सामन्यात हर्षवर्धन सदगीर यांनी दमदार खेळ करत मानाची महाराष्ट्र केसरी गदा पटकावली. अंतिम सामन्यातील हर्षवर्धन सदगीर आणि महेंद्र गायकवाड यांची झुंज ही खऱ्या अर्थाने कुस्ती परंपरेची मान उंचावणारी ठरली

महाराष्ट्र केसरी कुस्ती स्पर्धेच्या अंतिम लढतीसाठी सोलापूरचा महेंद्र गायकवाड आणि नाशिकचा हर्षवर्धन सदगीर यांच्यात सामना झाला. अंतिम लढतीत हर्षवर्धन सदगीर याने महेंद्र गायकवाडला 4-2 असे पराभूत केलं. या विजयासह हर्षवर्धन सदगीर सातवा डबल महाराष्ट्र केसरी ठरला. महाराष्ट्र केसरीच्या किताबासह हर्षवर्धन सदगीरने मानाच्या गदासह फॉर्च्यूनर कार जिंकली आहे. फॉर्च्यूनर कार जिंकणारा तो पहिला महाराष्ट्र केसरी ठरला.