IPL 2023: मुंबईत आज वानखेडे स्टेडियमवर मुंबई इंडियन्स आणि रॉयल चॅलेंजर्स बंगलोर (MI Vs RCB) यांच्यात रोमांचक सामना होणार आहे. दोन्ही संघांचा हा 11वा सामना असल्यामुळे तो अतिशय महत्त्वाचा आहे. या सामन्यात मुंबई इंडियन्सने टॉस जिंकून प्रथम गोलंदाजी करण्याचा निर्णय घेतला आहे.

या सामन्यात विजय मिळवण्याचा दोन्ही संघांचा प्रयत्न असेल. कारण या सामन्यात पराभव झाल्यास पुढील वाटचाल कठीण होणार आहे. या सामन्यात आरसीबीविरोधात विजय मिळवण्यासाठी मुंबईने वेगवान गोलंदाज क्रिस जॉर्डनला संघात स्थान दिले आहे.

वानखेडेची खेळपट्टी कोणाच्या बाजूने?

या हंगामात वानखेडेच्या मैदानावर आतापर्यंत ४ सामने खेळवले गेले आहेत, त्यापैकी 3 सामने पाठलाग करणाऱ्या संघाने जिंकले आहेत. येथील खेळपट्टी (Wankhede Pitch Report) फलंदाजांसाठी अतिशय चांगली मानली जाते. मुंबईचे हे मैदान फलंदाजांसाठी नंदनवन मानले जाते. कारण येथे बाउन्स आणि पकड चांगली आहे.

गेल्या 5 सामन्यांची स्थिती पाहिली तर हाय स्कोअरिंग सामने झाले आहेत. मुंबईकडून सूर्यकुमार यादव चांगल्या फॉर्ममध्ये आहे, तर आरसीबीकडून विराट कोहली आणि फाफ डू प्लेसिसही वेगाने धावा करत आहेत. अशा स्थितीत या सामन्यात धावसंख्या 200 च्या वर जाण्याची शक्यता आहे. या मैदानावर राजस्थानविरुद्ध मुंबईने 213 धावांचे लक्ष्य यशस्वीपणे पार केले.

वानखेडेच्या खेळपट्टीवर पडतो धावांचा पाऊस

आयपीएलमध्ये वानखेडे मैदानावर एकूण 106 सामने खेळले गेले आहेत आणि फलंदाजांनी येथे अनेक धडाकेबाज खेळी खेळल्या आहेत. 106 सामन्यांपैकी प्रथम फलंदाजी करणाऱ्या संघाने 49 सामने जिंकले असून पाठलाग करणाऱ्या संघाने 57 सामने जिंकले आहेत.

प्रथम फलंदाजी करताना, सरासरी धावसंख्या 170 आहे, तर दुसऱ्या डावात सरासरी धावसंख्या 175 आहे. दोन्ही संघांची फलंदाजी पाहता येथे 200 च्या वर धावसंख्या सहज बनवता येते. आरसीबीची मधल्या फळीची कमकुवतपणा असली तरी गोलंदाजी मुंबईसाठी चिंतेचे कारण आहे. याशिवाय कर्णधार रोहित शर्माचा फॉर्मही टेन्शन देत आहे. (Latest Marathi News)