आयपीएल २०२४ स्पर्धेतील २० वा सामना मुंबई इंडियन्स आणि दिल्ली कॅपिटल्स या दोन्ही संघांमध्ये पार पडला. या मुंबईतील वानखेडे स्टेडियमवर पार पडलेल्या या सामन्यात अखेर मुंबई इंडियन्स संघाला विजयाचा सूर गवसला आहे. हा सामना मुंबईने २९ धावांनी जिंकला आहे. हा मुंबईचा या हंगामातील पहिलाच विजय ठरला आहे.
मुंबई इंडियन्स संघाने या सामन्यात दिल्ली कॅपिटल्स संघाला विजयासाठी २३५ धावांचं आव्हान दिलं होतं. या डोंगराइतक्या धावांचा पाठलाग करताना दिल्ली कॅपिटल्स संघाला हवी तशी सुरुवात मिळाली नाही. संघातील अनुभवी फलंदाज डेव्हिड वॉर्नर अवघ्या १० धावा करत माघारी परतला.
तर पृथ्वी शॉने ६६ धावा चोपल्या. त्याला चांगली साथ देत अभिषेक पॉरेलने ४१ धावा केल्या. शेवटी ट्रिस्टन स्टब्सने विस्फोटक खेळी केली. मात्र तो संघाला विजय मिळवून देऊ शकला नाही. शेवटी दिल्लीला हा सामना २९ धावांनी गमवावा लागला आहे.
मुंबईने उभारला २३४ धावांचा डोंगर...
या सामन्यात मुंबई इंडियन्स संघाला प्रथम फलंदाजी करण्याचं आमंत्रण देण्यात आलं होतं. मुंबई इंडियन्स संघाकडून इशान किशन आणि रोहित शर्मा ही जोडी मैदानावर आली होती. दोघांनी मिळून पहिल्या विकेटसाठी ८० धावा जोडल्या. चांगली सुरुवात मिळालेला रोहित शर्मा ४९ धावांवर माघारी परतला.
तर इशान किशन ४२ धावा करत माघारी परतला. आपला पहिलाच सामना खेळत असलेल्या सूर्यकुमार यादवला या सामन्यात हवी तशी कामगिरी करता आली नाही. मात्र शेवटी रोमारियो शेफर्ड आणि टीन डेव्हिडने महत्तपूर्ण खेळी करत संघाला २३४ धावांपर्यंत पोहचवलं. डेव्हिडने ४५ धावा केल्या. तर शेफर्ड नाबाद ३९ धावांवर माघारी परतला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.