वर्ल्डकप स्पर्धेत पाकिस्तान आणि श्रीलंका या दोन्ही संघांमध्ये रोमांचक सामना सुरू आहे. हैदराबादच्या राजीव गांधी आंतरराष्ट्रीय स्टेडियमवर सुरू असलेल्या या सामन्यात श्रीलंकेने नाणेफेक जिंकून प्रथम फलंदाजी करण्याचा निर्णय घेतला आहे. मात्र हा निर्णय श्रीलंकेला सार्थ ठरवता आला नाही.
श्रीलंकेला या सामन्यात हवी तशी सुरुवात करता आली नाही. मात्र त्यानंतर कुसल मेंडिसने मोर्चा सांभाळला आणि अवघ्या ६५ चेंडूंमध्ये शतक पूर्ण केलं. यादरम्यान त्याच्या नावे एका मोठ्या विक्रमाची नोंद झाली आहे.
या शतकी खेळीसह कुसल मेंडिस वर्ल्डकप स्पर्धेत श्रीलंकेसाठी सर्वात जलद शतक झळकावणारा फलंदाज ठरला आहे. यापूर्वी माजी फलंदाज कुमार संगकाराने ७० चेंडूंचा सामना करत श्रीलंकेसाठी सर्वात वेगवान शतक झळकावले होते. हा कारनामा त्याने २०१५ वनडे वर्ल्डकप स्पर्धेत केला होता. आता कुसल मेंडिसने हा रेकॉर्ड मोडून काढला आहे. (Latest sports updates)
कुसल मेंडिसला या सामन्यात मोठी खेळी करण्याची संधी होती मात्र त्याचा डाव १२२ धावांवर संपुष्टात आला. त्याने या खेळीदरम्यान १४ चौकार आणि ६ षटकार मारले. पाकिस्तानचा वेगवान गोलंदाज हसन अलीने त्याला बाद करत माघारी धाडले.
या सामन्यात श्रीलंकेने नाणेफेक जिंकून प्रथम फलंदाजी करण्याचा निर्णय घेतला. मात्र पाकिस्तानी गोलंदाजांनी हा निर्णय चुकीचा ठरवत श्रीलंकेला सुरूवातीलाच मोठा धक्का दिला. कुसल परेरा शून्यावर बाद होऊन माघारी परतला.
तर पथुम निसंकाने ६१ चेंडूंचा सामना करत ५१ धावांची खेळी केली. तिसऱ्या क्रमांकावर फलंदाजी करण्यासाठी आलेल्या कुसल मेंडिसने ७७ चेंडूंचा सामना करत १४ चौकार आणि ६ षटकारांच्या मदतीने १२२ धावांची खेळी केली.
तर चौथ्या क्रमांकावर फलंदाजीसाठी आलेल्या सदिरा समरविक्रमाने ८९ चेंडूंचा सामना करत ११ चौकार आणि २ षटकारांच्या मदतीने १०८ धावा चोपल्या.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.