KKR vs SRH, IPL 2023 Match : आयपीएलमध्ये आज कोलकता नाईट राईडर्स आणि सनराईज हैदराबादचा संघ आमने-सामने येणार आहे. ईडन गार्डनवर हा सामना होत असल्याने कोलकाताने नाणेफेक जिंकून प्रथम गोलंदाजीचा निर्णय घेतला आहे. दुसरीकडे हैदराबादने सुद्धा या सामन्यासाठी चांगलीच तयारी केली असून कोलकाताची धुलाई करण्यासाठी मॅचविनर खेळाडूला संघात स्थान दिलं आहे. (Breaking Marathi News)

कोलकाता नाईट राईडर्सने ( कोणताही बदल केलेला नाही. कर्णधार नितीश राणाने मागच्या सामन्यातील विजयी संघ तसाच कायम ठेवला आहे. दुसरीकडे हैदराबादने आपल्या संघात एक मोठा बदल केला आहे. वाशिंग्टन सुंदरच्या जागी  (IPL 2023) अष्टपैलू अभिषेक शर्माला स्थान देण्यात आलं आहे. अभिषेक हा डावखुरा फलंदाज असून त्याच्यात पावरप्लेमध्ये फटकेबाजी करण्याची क्षमता आहे. याशिवाय तो उजव्या हाताचा फिरकी गोलंदाज सुद्धा आहे. (Latest Marathi News)

दुसरीकडे गेल्या सामन्यात गुजरात टायटन्सला त्याच्या घरच्या मैदानावर पराभूत केल्यानंतर चर्चेत आलेला रिंकू सिंग आज त्याच्या घरच्या मैदानावर उतरणार आहे. रिंकूने गुजरातविरुद्धच्या सामन्यात शेवटच्या पाच चेंडूंवर सलग ५ षटकार ठोकत केकेआरला अनपेक्षित विजय मिळवून दिला होता. (Latest sports updates)

कोलकात्याच्या चाहत्यांना आज पुन्हा रिंकूच्या विस्फोटक खेळीची आशा असेल. त्यासाठी रिंकू सिंगला फलंदाजीत बढती सुद्धा मिळणार असल्याची शक्यता आहे. रिंकूवर आपली लय कायम ठेवण्याचे दडपण असेल, दुसरीकडे हैदराबाद संघाला रिंकूच्या आक्रमक फटकेबाजीची चिंता असेल.

अशी आहे दोन्ही संघाची प्लेईंग-११

कोलकाता नाईट रायडर्सः रहमानउल्ला गुरबाज (विकेटकीपर), एन जगदीसन, नितीश राणा (कर्णधार), रिंकू सिंग, आंद्रे रसेल, सुनील नरेन, ठाकूर, उमेश यादव, लॉकी फर्ग्युसन, वरुण चक्रवर्ती, सुयश शर्मा.

सब्स्टिट्यूट्स: मनदीप सिंग, अनुकुल रॉय, व्यंकटेश अय्यर, डेव्हिड विसे, कुलवंत खेजरोलिया.

सनरायझर्स हैदराबादः अभिषेक शर्मा, मयंक अग्रवाल, राहुल त्रिपाठी, एडन मार्कराम (कर्णधार), हॅरी ब्रूक, हेनरिक क्लासेन (विकेटकीपर), मार्को जॅनसेन, मयंक मार्कंडे, भुवनेश्वर कुमार, उमरान मलिक, टी नटराजन.

सब्स्टिट्यूट्स: अब्दुल समद, विव्रत शर्मा, ग्लेन फिलिप्स, मयंक डागर, वॉशिंग्टन सुंदर.

Edited by - Satish Daud