आयपीएल २०२४ स्पर्धेत रिंकू सिंगला हवी तशी कामगिरी करता आली नव्हती. तरीदेखील कोलकाता नाईट रायडर्सने जेतेपदावर नाव कोरलं आहे. रिंकू सिंगला या हंगामात फलंदाजीची संधी मिळाली नसली तरीदेखील गेल्या काही महिन्यातील कामगिरी पाहता, त्याची टी-२० वर्ल्डकप स्पर्धेसाठी राखीव खेळाडू म्हणून निवड करण्यात आली आहे. तो टी-२० वर्ल्डकप २०२४ स्पर्धेसाठी अमेरिकेला रवाना झाला आहे. दरम्यान या स्पर्धेला रवाना होण्यापूर्वी त्याने मोठं वक्तव्य केलं आहे.

रिंकू सिंगला आयपीएल स्पर्धेतून मिळणाऱ्या मानधनाबाबत विचारलं असता तो म्हणाला की, ' ५५ लाख माझ्यासाठी खूप जास्त आहे. ज्यावेळी मी मोठा होत होतो त्यावेळी मी १०- १५ रुपये कसा कमवू शकेल याचाच विचार करायचो. मात्र आता माझा पगार ५५ लाख रुपये आहे. जे माझ्यासाठी खूप जास्त आहे. माझ्या मते, देव आपल्याला जितकं देतो,त्यात आपण आनंदी राहिलं पाहिजे.' रिंकू सिंगला ५५ लाखांची बोली लावत कोलकाता नाईट रायडर्सने आपल्या संघात स्थान दिलं होतं. त्यामुळे क्रिकेट फॅन्सचं असं म्हणणं आहे की, रिंकू सिंगला कोट्यवधी रुपये मिळायला हवे. रिंकूचा खेळ पाहता ५५ लाख रुपये ही खूप कमी किंमत आहे.

यासह रिंकू सिंगने भारतीय संघाचा कर्णधार रोहित शर्माबाबतही भाष्य केलं आहे. तो म्हणाला की,' रोहित शर्माला युवा खेळाडूंना खूप सपोर्ट करतो. तो एक उत्कृष्ठ कर्णधार आहे, हे साऱ्या जगाला माहित आहे. त्याला नेहमी हेच वाटतं की, युवा खेळाडूंनी शानदार कामगिरी करावी.

आगामी टी-२० वर्ल्डकप २०२४ स्पर्धेसाठी असा आहे भारतीय संघ

रोहित शर्मा (कर्णधार), विराट कोहली, यशस्वी जयस्वाल, सूर्यकुमार यादव, रिषभ पंत (विकेटकीपर), संजू सॅमसन (विकेटकीपर), हार्दिक पांड्या (उपकर्णधार), शिवम दुबे, कुलदीप यादव, युजवेंद्र चहल, अर्शदीप सिंग, जसप्रीत बुमराह, मोहम्मद सिराज, रवींद्र जडेजा, अक्षर पटेल

राखीव खेळाडू..

शुभमन गिल, रिंकू सि्ंग, खलील अहमद, आवेश खान