आयर्लंडने तीन सामन्यांच्या वनडे मालिकेच्या दुसर्‍या सामन्यात दक्षिण आफ्रिकेला (IRE vs SA) पराभूत करून इतिहास रचला आहे. मंगळवारी (13 जुलै) डब्लिनमध्ये झालेल्या या सामन्यात आयर्लंडने 43 धावांनी ऐतिहासिक विजय नोंदविला आहे. एकदिवसीय क्रिकेटमध्ये आयर्लंडने दक्षिण आफ्रिकेचा पराभव (Ireland Beat Sauth Africa) करण्याची ही पहिलीच वेळ आहे. (IRE vs SA: Ireland made history by defeating South Africa)

प्रथम फलंदाजी करताना आयर्लंडने सामन्यात 5 गडी गमावून 290 धावा केल्या. यात कर्णधार अँडी बलबर्नीने शतक ठोकत 102 धावा केल्या. या दरम्यान त्याने 10 चौकार आणि 2 षटकार लगावले. प्रत्युत्तरादाखल 291 धावांच्या आव्हानाचा पाठलाग करताना आफ्रिकेचा संघ 48.3 षटकांत 247 धावांत गुंडाळला गेला.

दक्षिण आप्रिकेकडून मालनने सर्वाधिक 84 धावांची खेळी केली आहे. मालनशिवाय रॉसी व्हॅन डर ड्यूसेनने 49 धावा केल्या. या दोन फलंदाजांशिवाय कोणताही खेळाडू मोठी खेळी खेळू शकला नाही. ज्याचा पराभव दक्षिण आफ्रिकेला सहन करावा लागला. या विजयासह आयर्लंडने तीन सामन्यांच्या मालिकेत 1-0 अशी आघाडी घेतली. या मालिकेचा पहिला सामना पावसामुळे रद्द झाला होता.

Edited By: Pravin Dhamale