गुजरात टायटन्स आणि चेन्नई सुपर किंग्स यांच्यातील 26 एप्रिल आणि 21 मे रोजी होणाऱ्या दोन सामन्यांची ठिकाणे अचानक बदलण्यात आली आहे. 26 एप्रिल रोजी अहमदाबाद आणि गुजरातमध्ये काही महापालिका निवडणुक पार पडणार असल्यामुळे हा बदल केला आहे असे BCCI ने सांगितले आहे. त्यामुळे अआता गुजरात टायटन्स आणि चेन्नई सुपर किंग्स यांच्यातील 26 एप्रिल रोजी अहमदाबाद येथे होणारा दुपारचा सामना चेन्नईमध्ये खेळला जाणार आहे.

BCCI ने IPL 2026 च्या वेळापत्रकात सुधारणा केली असून या संदर्भात अधिकृत माहिती दिली आहे. गुजरात टायटन्स आणि चेन्नई सुपर किंग्स यांच्यातील दुपारचा जो 26 एप्रिल 2026 रोजी खेळवला होता. तो आता चेन्नई येथील एम ए चिदंबरम स्टेडियमवर खेळवला जाईल. आणि हा सामना हा दुपारी 3.30 वाजता सुरू होईल असे BCCI ने सांगितले.

दरम्यान अहमदाबाद व्यतिरिक्त सुरत, वडोदरा, राजकोट, भावनगर, जामनगर, करमसद-आनंद, गांधीधाम, नडियाद, नवसारी, पोरबंदर, मेहसाणा, मोरबी, वापी आणि सुरेंद्रनगर येथेही महापालिका निवडणुका होणार आहेत. 28 एप्रिल रोजी मतमोजणी होणार आहे. या पार्श्वभूमीवर IPL च्या वेळापत्रकांमध्ये बदल करण्यात आला आहे.