आयपीएल २०२६ च्या प्लेऑफसाठीची शर्यत आता चांगलीच रोमांचक झाली आहे. लीगमधील केवळ १३ सामने शिल्लक आहेत तरीही अजून प्लेऑफसाठी पात्र ठरणारी पहिली टीम अजून ठरलेली नाही. आतापर्यंत गुजरात टायटन्स आणि रॉयल चॅलेंजर्स बंगळूर यांचे प्रत्येकी १६ पॉईंट्स मिळवले आहेत. पण त्यांनी अद्याप प्लेऑफमधील आपले स्थान निश्चित केलेलं नाही.

एकंदरीत आपण आयपीएलमध्ये पाहिलं तर १६ पॉईंट्स मिळवणारी टीम प्लेऑफसाठी पात्र ठरतात. परंतु यावेळी तसं घडलेलं नाही. आरसीबी विरुद्ध केकेआर सामन्यानंतर प्लेऑफमधील स्थानासाठीची शर्यत आता सहा टीम्समध्ये आहे. मुंबई इंडियन्स आणि लखनऊ सुपर जायंट्स ऑफिशियली स्पर्धेतून बाहेर पडल्या आहेत. तर दिल्ली कॅपिटल्स आणि कोलकाता नाइट रायडर्स यांच्याही प्लेऑफच्या संधी आता कमी झाल्या आहेत. प्रत्येक टीमसाठी आता कसं समीकरण बनतंय ते पाहूयात.

गुजरात टायटन्स

गुजरातचे पॉईंट्स पाहता ते प्लेऑफ गाठण्याची शक्यता ९९.७% शक्यता आहे. गुजरात दुसरं स्थान मिळवण्याची ८२.६% शक्यता आहे. GT ला दोन सामने खेळायचे आहेत आणि ते जास्तीत जास्त २० गुण मिळवू शकतात.

रॉयल चॅलेंजर्स बंगळूरू

आरसीबीचे १६ पॉईंट्स आहे आणि लीग टप्प्यात त्यांचे अजून दोन सामने बाकी आहेत. त्यांच्या पॉईंट्सनुसार ते टॉप ४ मध्ये स्थान मिळवण्याची ९९% शक्यता आहे. इतकंच नाही तर ते आणि पहिल्या दोनमध्ये मिळवण्याची ७७.६% शक्यता आहे.

सनरायझर्स हैदराबाद

सध्याच्या पॉईंट्सच्या आधारावर SRH ची टॉप ४ मध्ये येण्याची शक्यता ७७% आहे. तर पहिल्या दोनमध्ये येण्याची शक्यता केवळ ३१.४% आहे. त्यांचे दोन सामने बाकी आहेत.

पंजाब किंग्स

PBKS चे तीन सामने शिल्लक असून ते जास्तीत जास्त १९ गुण मिळवू शकतात. त्यामुळे ही टीम पहिल्या चारमध्ये येण्याची त्यांची शक्यता ६३.६% आहे आणि पहिल्या दोनमध्ये येण्याची शक्यता केवळ २२.२% आहे.

चेन्नई सुपर किंग्स

सीएसकेच्या टॉप ४मध्ये स्थान मिळवण्याची शक्यता ५३.२% आहे. त्यांचे उर्वरित तीन सामने लखनऊ सुपर जायंट्स, सनरायझर्स हैदराबाद आणि गुजरात टायटन्स यांच्याविरुद्ध आहेत. शेवटचे दोन सामने आव्हानात्मक आहेत. सीएसकेची टॉप २ मध्ये येण्याची शक्यता केवळ १९% आहे.

राजस्थान रॉयल्स

शेवटच्या सात सामन्यांपैकी पाच सामने गमावलेल्या आरआर टीमची टॉप ४ मध्ये येण्याची शक्यता ५३% आहे. त्यांच्याकडे सध्या १२ गुण असून त्यांना अजून तीन सामने खेळायचे आहेत. अव्वल दोनमध्ये स्थान मिळवण्याची त्यांची शक्यता केवळ १५.३% आहे.

केकेआर आणि दिल्ली

आरसीबीकडून पराभव झाल्यामुळे, केकेआरच्या अव्वल चारमध्ये स्थान मिळवण्याची शक्यता केवळ २.६% पर्यंत कमी झालीये. या स्पर्धेतील त्यांचा प्रवास आता जवळपास संपुष्टात आलाय. तर दुसरीकडे डीसीच्या प्लेऑफमध्ये पोहोचण्याची शक्यताही खूप कमी असून ती केवळ २.७% आहे.