आयपीएलच्या 36व्या सामन्यात सनरायझर्स हैदराबादने राजस्थान रॉयल्सलाला पराभूत करत शानदार विजय मिळवला. या विजयात अभिषेक शर्माची भूमिका महत्त्वाची ठरली. 229 धावांच्या लक्ष्याचा पाठलाग करताना त्याने अवघ्या 29 चेंडूंमध्ये 57 धावांची झंझावाती खेळी केली. सामन्यानंतर हैदराबादचा संघ जयपूरच्या हॉटेलमध्ये परतला. त्यावेळी अभिषेक शर्मासोबत धक्कादायक प्रकार घडला.

तिने सगळ्यांसमोर हात खेचला अन्....;

हॉटेलमध्ये उभी असलेल्या एका मुलीने अचानक अभिषेकचा हात पकडला. त्यानंतर त्याला आपल्या दिशेने ओढण्याचा प्रयत्न केला. हा प्रकार अचानक घडल्याने अभिषेक काही क्षण गोंधळून गेला. मात्र त्याने लगेच स्वतःला सावरले. हॉटेलच्या कर्मचाऱ्यांनी लागलीच हस्तक्षेप करत त्या मुलीपासून अभिषेकचा हात सोडवला. या संपूर्ण घटनेचा व्हिडिओ सध्या सोशल मीडियावर व्हायरल होतोय.

खेळाडू हॉटेलमध्ये आल्यानंतर त्यांच्याभोवती चाहत्यांचा गराडा तयार होत असतो. खेळाडू जाणार त्या मार्गाच्या आजुबाजुला चाहते फोटो किंवा सेल्फी घेण्यासाठी उभे असतात. त्यादरम्यान संधी मिळाली की ते आपल्या आवडत्या क्रिकेटरसोबत फोटो काढण्याचा प्रयत्न करतात. जयपूरच्या हॉटेलमध्येही ही मुलगीही फोटो घेण्यासाठी उभी होती. हैदराबाद संघाचा खेळाडू अभिषेक शर्मा दिसताच तिने अचानक त्याचा हात पकडला आणि त्याला ओढण्याचा प्रयत्न केला.

त्यावेळी तिचा बॉयफ्रेंड देखील तिथे उपस्थित होता. या घटनेनंतर अनेक प्रश्न उपस्थित होत आहेत. दरम्यान शनिवारी झालेल्या सनरायझर्स हैदराबादने राजस्थान रॉयल्सला ५ विकेट्सने पराभूत केले. या विजयात ईशान किशन आणि अभिषेक शर्मा यांच्यानी झालेल्या दुसऱ्या विकेटसाठीच्या धावांच्या भागीदारीचा मोठा वाटा होता.