आता अवघ्या काही दिवसातच आयपीएलच्या १९ व्या सिझनला सुरुवा होणार आहे. अशातच पाच वेळा विजेतेपद पटकावणारी मुंबई इंडियन्सची टीम पुन्हा एकदा चर्चेत आली आहे. यंदाच्या वर्षी मुंबईची टीम सहाव्या ट्रॉफीसाठी सज्ज झाली असली, तरी गेल्या पाच सिझनपासून टीमच्या हाती केवळ निराशाच आहे. एकेकाळी सातत्यपूर्ण कामगिरीसाठी ओळखली जाणारी ही टीम आता पुन्हा जेतेपदासाठी मैदानात उतरणार आहे.

यंदाच्या ऑक्शनमध्ये मुंबईने काही दमदार खेळाडूंना टीममध्ये सामील करून घेतलंय. मात्र, कागदावर मजबूत दिसणाऱ्या या टीमसमोर खरी कसोटी असेल ती योग्य प्लेइंग 11 निवडण्याची. कर्णधार हार्दिक पंड्याला यावेळी काही मोठे कठीण निर्णय घ्यावे लागणार आहेत. यावेळी कोणत्या खेळाडूंना टीममध्ये संधी मिळवणं कठीण होणार आहेत ते पाहूयात.

शार्दुल ठाकूर

शार्दुल ठाकूरसाठी या सिझनमध्ये प्लेइंग 11 मध्ये स्थान मिळवणं सोपं नसणार आहे. कारण टीममध्ये आधीच जसप्रीत बुमराह, ट्रेंट बोल्ट आणि दीपक चाहर वेगवान गोलंदाज आहेत. त्यातच हार्दिक पंड्या स्वतः चौथ्या पेसरच्या भूमिकेत दिसणार आहे. त्यामुळे शार्दूल ठाकूरला संधी मिळणं कठीण आहे

रॉबिन मिंज

झारखंडचा युवा विकेटकीपर-बल्लेबाज रॉबिन मिंज यालाही टीममध्ये संधी देण्यात आली आहे. परंतु अनुभवी क्विंटन डी कॉक आणि रायन रिकल्टन सारखे पर्याय उपलब्ध असल्याने मिंजला प्लेइंग 11 मध्ये स्थान मिळणं सोप नसेल.

कॉर्बिन बॉश

दक्षिण आफ्रिकेचा ऑलराउंडर कॉर्बिन बॉश हा सध्या बॅकअप पर्याय म्हणून टीममध्ये आहे. कारण मुंबईकडे आधीच विल जॅक्स, मिचेल सॅन्टनर आणि शेरफेन रदरफोर्ड हे परदेशी खेळाडू आहेत.

राज अंगद बावा

राज अंगद बावा हा अंडर-19 वर्ल्ड कपमधील स्टार ऑलराउंडर असला, तरी टीममध्ये हार्दिक पंड्या यांच्यासारखा अनुभवी खेळाडू आहे. त्यामुळे राजला अजून काही काळ टीममध्ये येण्याची वाट पाहावी लागेल.

नमन धीर

गेल्या सिझनमध्ये आक्रमक फलंदाजीने लक्ष वेधणारा नमन धीरला यंदा संधी मिळणार की नाही यावर प्रश्न आहे. कारण मधल्या फळीत विल जॅक्स आणि सूर्यकुमार यादव हे अनुभवी फलंदाज आहेत. त्यामुळे त्याला प्लेईंग ११ मध्ये जागा मिळणार की नाही हे पाहावं लागणार आहे.