लखनऊ सुपर जायंट्स विरुद्ध चेन्नई सुपर किंग्स या सामन्यामध्ये एमएस धोनीने टॉस जिंकला आणि पहिल्यांदा गोलंदाजी करण्याचा निर्णय घेतला. त्यानंतर लखनऊचे सलामीवीर एडन मारक्रम आणि मिचेल मार्श फलंदाजी करण्यासाठी मैदानात उतरले. या सामन्याच्या सुरुवातीलाच आक्रमक एडन मारक्रमला बाद केले.

चेन्नईकडून खेळताना खलील अहमद गोलंदाजी करायला आला. ओव्हरच्या शेवटच्या बॉलवर एडन मारक्रम स्ट्राइकवर होता. खलीलने टाकलेल्या हार्ड लेंथ बॉलवर मारक्रनने जोरदार शॉट मारला. बॉल पकडण्यासाठी राहुल त्रिपाठी उलटा धावत-धावत मागे गेला आणि त्याने झेप घेत अवघड कॅच पकडला. त्याच्या या प्रयत्नांमुळे एडन मारक्रम फक्त ६ धावा करुन माघारी परतला. राहुल त्रिपाठीने घेतलेल्या या कॅचचा व्हिडीओ सोशल मीडियावर व्हायरल होत आहे.

दरम्यान एडन मारक्रम बाद झाल्याने मिचेल मार्शने निकोलस पूरनसोबत खेळ पुढे नेण्याचा प्रयत्न केला. पण निकोलस पूरन देखील मारक्रमप्रमाणे लवकर बाद होऊन माघारी परतला. त्याने फक्त ८ धावा केल्या. मिचेल मार्श ३० धावांवर बाद झाल्याने रिषभ पंत-आयुष बडोनी यांनी मोर्चा सांभाळला. चुकीचा शॉट मारण्याच्या नादात बडोनी आउट झाला. त्याने २२ धावा केल्या.

लखनऊ सुपर जायंट्सची प्लेईंन ११ -

रिषभ पंत (कर्णधार), एडन मारक्रम, मिचेल मार्श, निकोलस पूरन, आयुष बडोनी, डेव्हिड मिलर, अब्दुल समाद, शार्दुल ठाकूर, दिग्वेश राठी, आकाश दीप, आवेश खान.

चेन्नई सुपर किंग्सची प्लेईंग ११ -

एमएस धोनी (कर्णधार), शेख रशीद, रचिन रवींद्र, राहुल त्रिपाठी, विजय शंकर, जेमी ओवर्टन, रवींद्र जडेजा, खलील अहमद, नूर अहमद, अंशुल कम्बोज, मथीश पाथिराना.