आयपीएल २०२४ स्पर्धेतील अखेरचा सामना हा टॉप २ वर असलेल्या कोलकाता नाईट रायडर्स आणि राजस्थान रॉयल्स या दोन्ही संघांमध्ये रंगणार होता. या सामन्यात पावसाने हजेरी लावल्याने हा सामना नाणेफेक न होताच रद्द करण्यात आला आहे. त्यामुळे दोन्ही संघांना प्रत्येकी १-१ गुण देण्यात आला आहे. याचा कोलकाता नाईट रायडर्स संघाला तर फायदा झाला मात्र राजस्थान रॉयल्स संघाला मोठा धक्का बसला आहे.

हा सामना रद्द झाल्याने राजस्थान रॉयल्स आणि सनरायझर्स हैदराबाद या दोन्ही संघांचे प्रत्येकी १७-१७ गुण झाले आहेत. नेट रन रेट चांगला असल्याने हैदराबादचा संघ दुसऱ्या स्थानी पोहोचला आहे. तर राजस्थान रॉयल्सचा संघ तिसऱ्या स्थानी सरकला आहे. राजस्थान रॉयल्स संघाने हा सामना जिंकला असता तर दुसऱ्या स्थानी जाण्याची संधी होती.

या दोन संघांमध्ये रंगणार क्वालिफायरचा सामना

आयपीएल २०२४ स्पर्धेच्या प्लेऑफमध्ये जाणारे ४ संघ ठरले आहेत. ज्यात कोलकाता नाईट रायडर्स, सनरायझर्स हैदराबाद, राजस्थान रॉयल्स आणि रॉयल चॅलेंजर्स बंगळुरू या ४ संघांचा समावेश आहे. क्वालिफायर १ चा सामना हा कोलकाता नाईट रायडर्स आणि सनरायझर्स हैदराबाद या दोन्ही संघांमध्ये रंगणार आहे. हा सामना २१ मे रोजी अहमदाबादच्या नरेंद्र मोदी स्टेडियमवर रंगणार आहे. जो संघ हा सामना जिंकेल, तो थेट फायनलमध्ये प्रवेश करेल. तर जो संघ पराभूत होईल त्या संघाला आणखी एक संधी मिळेल.

एलिमिनेटर १ चा सामना राजस्थान रॉयल्स आणि रॉयल चॅलेंजर्स बंगळुरू या दोन्ही संघांमध्ये रंगणार आहे. हा सामना २२ मे रोजी अहमदाबादच्या नरेंद्र मोदी स्टेडियमवर रंगणार आहे. या सामन्यात पराभूत होणारा संघ स्पर्धेतून बाहेर पडेल. तर जिंकणारा संघ क्वालिफायर २ सामन्यात क्वालिफायर १ मध्ये पराभूत झालेल्या सामन्यात खेळताना दिसेल. तर पराभूत होणारा संघ स्पर्धेतून बाहेर पडेल. जो संघ हा सामना जिंकेल तो संघ क्वालिफायर १ जिंकलेल्या संघासोबत अंतिम सामना खेळताना दिसेल. हा सामना चेपॉकच्या मैदानावर रंगणार आहे.