आयपीएल २०२२ (IPL 2022) चा लिलाव सुरु आहे. पहिल्या दिवशी ७४ खेळाडूंना फँचायझींनी आपल्या संघात घेतेले. लिलावाच्या पहिल्याच दिवशी १० खेळाडूंवरती १० कोटीच्या वरती बोली लागली आहे. इशान किशन १५.२५ कोटी रुपयांत मुंबई इंडिसन्सने (Mumbai Indians) आपल्या संघात घेतले आहे. तो सर्वात महागडा खेळाडू ठरला आहे. तसेच अनकॉप खेळाडूंपैकी आवेश खानवर १० कोटी रुपयांची बोली लावली. तसेच परदेशातील खेळाडूंपैकी १०.७५ कोटी रुपयांत निकोलस पुरण सर्वात महागडा खेळाडू ठरला. असे अनेक खेळाडूंवर कोट्यावधी रुपयांची बोली लावली आहे.

परंतु तुम्हाला माहित आहे का की खेळाडू जेवढ्या पैशांना विकत घेतला जातो, तेवढे पैसे त्याला मिळतात का? लिलावात दिल्या जाणाऱ्या पैशातून काही पैसे कापले जातात आणि मग ठराविक रक्कम खेळाडूला मिळते. खेळाडूंना मिळणाऱ्या पैशातून किती रक्कम कापली जाते? किती टॅक्स लागतो हे आपण जाणून घेवूयात..

किती पैसे कापले जातात?

लिलावात एखाद्या भारतीय खेळाडूला जेवढे पैसे मिळतात त्यातून टीडीएसचा चार्ज कापला जातो. भारतीय खेळाडूंना जेवढे पैसे मिळतात त्यातून १० टक्के टीडीएस कापला जातो. बरं इथंच थांबतं का?...तर नाही...त्यानंतर आईटीआर फाईल करावी लागते. त्यात खेळाडूचं उत्पन्न आणि खर्च सर्व लिहिलेलं असते. त्यानंतर कमाईवरती टॅक्स लावला जातो. आणि शेवटी नेट कमाई असते त्यावरही टॅक्स द्यावा लागतो. टीडीएस हा फक्त आयपीएलच्या लिलावात मिळणाऱ्या पैशांवर लावला जातो.

CA सौरभ शर्माने सांगितले की खेळाडूंना मिळणाऱ्या रकमेवरचा टॅक्स कापल्यानंतर त्यांना किती रक्कम मिळते हे निश्चीत सांगता येणार नाही. दरम्यान लिलावात एक बेस प्राईस असते. त्यानंतर खेळाडूला कंपनीसोबत अनेक करार करावे लागलता. त्या कराराच्या आधारावर खेळाडूला रक्कम मिळते. आणि त्या रकमेवर कर आकारला जातो. महत्त्वाचं म्हणजे लिलावात जेवढी रक्कम मिळते त्यावर १० टक्के टीडीएस लावला जातो.

परदेशी खेळाडूंना किती कर भरावा लागतो?

परदेशी खेळाडूंना भारतात मिळणाऱ्या उत्पन्नाच्या २० टक्के टीडीएस भरावा लागतो. त्याचबरोबर परदेशी खेळाडूंना TDS व्यतिरिक्त कोणताही कर भरावा लागत नाही. जर त्यांनी भारतात इतर कोणतेही उत्पन्न मिळवले नसेल तर त्यांना कोणत्याही प्रकारचा कर भरावा लागणार नाही. त्यांना फक्त भारतात मिळणाऱ्या उत्पन्नावर कर भरावा लागतो. तसेच त्यांना इन्कम टॅक्स रिटर्न भरण्याची गरज नाही. आम्ही तुम्हाला सांगतो की या खेळाडूंना वेगवेगळ्या मार्गाने पैसेही मिळतात. यामध्ये एखाद्या खेळाडूचा प्लेइंग इलेव्हनमध्ये समावेश नसेल तर त्यांना वेगळे पैसे मिळतात.

अशा परिस्थितीत खेळाडूंसोबत केलेल्या कराराच्या आधारे संपूर्ण कपातीची माहिती मिळू शकते, असे म्हणता येईल. त्याच वेळी, जर एखादा खेळाडू आयपीएल खेळण्यासाठी उपलब्ध नसेल, तर त्याची फी वजा करून दिली जाते.

Edited By: Pravin Dhamale