टीम इंडियाने (India Team) बर्मिंगहॅम कसोटी सामन्याच्या दुसऱ्या डावात तिसऱ्या दिवसाचा खेळ संपेपर्यंत ३ गडी गमावून १२५ धावा केल्या आहेत. यादरम्यान चेतेश्वर पुजारा आणि ऋषभ पंत यांनी चमकदार कामगिरी केली. पुजाराने अर्धशतक ठोकले. तर पंत ३० धावांवर नाबाद राहिला. आता टीम इंडियाकडे २५७ धावांची आघाडी आहे. इंग्लंडकडून जेम्स अँडरसन, स्टुअर्ट ब्रॉड आणि बेन स्टोक्स यांनी प्रत्येकी एक विकेट घेतली. इंग्लंडचा संघ पहिल्या डावात २८४ धावांवर सर्वबाद झाला होता.

टीम इंडियाची (India Team) दुसऱ्या डावातही खराब सुरुवात झाली. मात्र चेतेश्वर पुजारा आणि ऋषभ पंत यांनी डाव सांभाळला. सलामीवीर शुभमन गिल अवघ्या ४ धावा करून बाद झाला. तर हनुमा विहारी ४४ चेंडूत ११ धावा करून पॅव्हेलियनमध्ये परतला. माजी कर्णधार विराट कोहलीही काही विशेष कामगिरी केली नाही. कोहलीने ४० चेंडू खेळले यात त्याने ४ चौकारांच्या मदतीने २० धावा करून बाद झाला. पुजारा आणि पंत तिसऱ्या दिवसाचा खेळ संपेपर्यंत नाबाद राहिले. पुजाराने १३९ चेंडूत नाबाद ५० धावा केल्या. त्याने ५ चौकार ठोकले. पंतने ४६ चेंडूत नाबाद ३० धावा केल्या. त्याने ४ चौकार ठोकले. भारताने १२५ धावांसह २५७ धावांची आघाडी घेतली.

सामन्याच्या तिसऱ्या दिवशी इंग्लंडने पहिल्या डावात सर्वबाद २८४ धावा केल्या होत्या. जॉनी बेअरस्टोने संघासाठी चांगली कामगिरी करत शतक झळकावले. त्याने १४० चेंडूत १०६ धावा केल्या. यावेळी त्याने १४ चौकार आणि २ षटकार ठोकले. सॅम बिलिंग्सने ५७ चेंडूत ३६ धावा केल्या. या खेळीत ४ चौकारांचा समावेश होता. रूट ३१ धावा करून पॅव्हेलियनमध्ये परतला. त्याने ४ चौकार मारले. शेवटी मॅटी पॉट्सने १९ धावा केल्या. त्याने १८ चेंडू खेळत ३ चौकार आणि १ षटकार लगावला.

भारताकडून (India Team) मोहम्मद सिराजने शानदार गोलंदाजी केली. त्याने ११.३ षटकात ६६ धावा दिल्या. तसेच त्याने ४ विकेट घेतल्या. कर्णधार जसप्रीत बुमरानेही चांगली कामगिरी केली. त्याने ३ जाणांची विकेट घेतली. बुमराहने १९ षटकात ६८ धावा दिल्या. मोहम्मद शमीने २ विकेट घेतल्या. तर शार्दुल ठाकूरने एक विकेट घेतली.